بۇل تۋرالى پوليتسيا دەپارتامەنتى رەسمي مالىمدەدى.
- دەنساۋلىققا زيان كەلتىرۋ فاكتىسى بويىنشا قىلمىستىق ءىس قوزعالدى. قازىرگى تاڭدا تەرگەۋ امالدارى جۇرگىزىلىپ جاتىر. كامەلەتكە تولماعان قۇقىقبۇزۋشى زاڭدى وكىلىنىڭ قامقورلىعىنا تاپسىرىلدى, – دەلىنگەن رەسمي حابارلامادا.
ءجاسوسپىرىمنىڭ زاڭدى وكىلىنە بالانى تاربيەلەۋ مىندەتتەرىن دۇرىس ورىنداماعانى ءۇشىن اكىمشىلىك جاۋاپكەرشىلىككە تارتۋ شارالارى قولدانىلدى. سونىمەن قاتار, تالدىقورعان قالاسى اكىمدىگى جانىنداعى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيا ءجاسوسپىرىمدى پروفيلاكتيكالىق ەسەپكە قويۋ تۋرالى ۇسىنىس ەنگىزدى.
وقيعا تۋرالى اقپارات العاش الەۋمەتتىك جەلىدە تاراعان. تالدىقورعاندا 15 جاستاعى ءجاسوسپىرىم 85 جاستاعى قاريانى سوققىعا جىققان. سەبەبى قاريا ءوزىنىڭ نەمەرە جيەنىن قورعاپ, 10-سىنىپ وقۋشىسىنا ەسكەرتۋ جاساعان. زەينەتكەر اۋرۋحاناعا جەتكىزىلىپ, ومىرتقاسىنا زاقىم كەلگەنى انىقتالدى.
