فوتو: سۋ رەسۋرستارى جانە يرريگاتسيا مينيسترلىگى
اتالعان كولەمدەگى سۋ – سۋارۋ كەزەڭىندە الىنادى.
مينيسترلىكتىڭ ءباسپاسوز قىزمەتىنىڭ مالىمدەۋىنشە سامارقاندتا ورتالىق ازيانىڭ مەملەكەتارالىق سۋ شارۋاشىلىعىن ۇيلەستىرۋ كوميسسياسىنىڭ 89-شى وتىرىسى ءوتتى.
ال, «دوستىق» مەملەكەتارالىق كانالىمەن سۋارۋ كەزەڭىندە قازاقستانعا 909 ملن تەكشە مەتر سۋ كەلەدى. سولتۇستىك ارالعا 975 ملن تەكشە مەتر سۋ جىبەرۋ جوسپارلانىپ وتىر.
«سۋدى وزەن-كولدەرگە باعىتتاپ, ونى سۋ قويمالارىنا جيناپ جاتىرمىز. الايدا, وڭتۇستىك ايماقتارعا كەلەتىن بولساق, سۋ ديپلوماتياسى وتە ماڭىزدى. جازعى سۋارۋ كەزەڭىنە دايىندىق شەڭبەرىندە ءبىز بىلتىردان كەلىسسوز جۇرگىزدىك. سىرداريا وزەنى ارقىلى قازاقستانعا كەلەتىن سۋ شاردارا قويماسىنان جينالىپ, وڭتۇستىك وبلىستاردىڭ شارۋالارىن قامتاماسىز ەتۋ ءۇشىن پايدالانىلادى. بىلتىر سۋدى ءتيىمدى ءبولۋ, سۋ ۇنەمدەۋ تەحنولوگيالارىن ەنگىزۋ جانە كورشى ەلدەرمەن ۋاقتىلى كەلىسسوز جۇرگىزۋ ارقىلى ءبىز شارۋا قوجالىقتارىنىڭ سۋارمالى سۋعا دەگەن قاجەتتىلىكتەرىن تولىق قاناعاتتاندىرا الدىق. بيىل دا وسىعان قول جەتكىزۋگە نيەتتىمىز», دەدى مينيستر ن.نۇرجىگىتوۆ.
ەسكە سالايىق, بىلتىرعى قازان ايىنان وسى جىلدىڭ 1 ساۋىرىنە دەيىن وزبەكستان قازاقستانعا 12,6 ملرد تەكشە مەتر سۋ جىبەرگەن ەدى, بۇل – جوسپارلانعان كولەمنەن 1,7 ملرد تەكشە مەترگە ارتىق.
