فوتو: Polisia.kz
«استانا, الماتى, شىمكەنت قالالارىندا 13 زاڭسىز مال سويۋ تسەحتارى انىقتالىپ, مال ۇرلىعىنا 131 ادامنىڭ قاتىستىلىعى انىقتالدى. سونىمەن قاتار 26 قىلمىستىق توپتىڭ ارەكەتىنە توسقاۋىل قويىلدى. جالپى مال ۇرلىعىنىڭ 135 دەرەگى اشىلىپ, 580-نەن استام جانۋار يەلەرىنە قايتارىلدى», دەدى ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.
Polisia.kz سايتىنىڭ حابارلاۋىنشا, الماتى وبلىسىندا مال ۇرىلارىنىڭ ەكى توبى ۇستالعان. ولاردىڭ ءبىرى جەرگىلىكتى تۇرعىنداردان 16 ءىرى قارا مالدى ۇرلاپ, 11 قىلمىس جاساعان. ال ەكىنشى قىلمىستىق توپ 9 ۇرلىق جاساپ, 103 باس ۇساق مالدى قولدى ەتكەن. سونىمەن قاتار جامبىل وبلىسىندا جەرگىلىكتى تۇرعىنداردان 28 جىلقىنى ۇرلاپ اكەتكەن ءۇش ادامنان قۇرالعان توپ ۇستالعان.
ۋاقتىلى قابىلدانعان شارالار ناتيجەسىندە بيىل مال ۇرلىعى 26%-عا پايىزعا ازايعان.
