فوتو: ەرلان ومار
«2017 جىلدان بەرى ەڭ تومەنگى كورسەتكىش تىركەلىپ وتىر. سول كەزدە 2017 جىلدىڭ العاشقى ەكى ايىندا 33,6 ميلليون وپەراتسيا بولعان. سونىمەن قاتار, كارتالاردىڭ سانى قازىرگى جانە 2017 جىلمەن سالىستىرعاندا ايتارلىقتاي وزگەرگەن. 2017 جىلدىڭ 1 ناۋرىزىندا قازاقستانداعى كارتالار سانى 16 ميلليوننان از بولعان, ال 2025 جىلدىڭ 1 ناۋرىزىندا بۇل كورسەتكىش 81 ميلليوننان اسىپ وتىر», دەلىنگەن حابارلامادا.
ايتا كەتەيىك, پايدالانىلعان كارتالار سانى دا وسكەن, بىراق ەكى كەزەڭدەگى ايىرماشىلىق بىردەي. اتاپ ايتساق 2017 جىلى بۇل كورسەتكىش 8,3 ميلليون بولسا, 2025 جىلى – 41,8 ميلليونعا جەتكەن.
2025 جىلدىڭ قاڭتار-اقپان ايلارىندا قولما-قول اقشا الۋ وپەراتسيالارىنىڭ جالپى سوماسى 3,9 تريلليون تەڭگەگە جەتكەن. بۇل نومينالدى تۇردە 2024 جىلدىڭ وسىنداي ايلارىمەن سالىستىرعاندا 6%-عا كوپ, بىراق تۇتىنۋ باعالارىنىڭ ءوسۋىن ەسكەرگەندە ءىس جۇزىندە ازداپ تومەندەۋ بايقالعان.
سونداي-اق, ءبىرىنشى كرەديتتىك بيۋرو 2025 جىلدىڭ اقپان ايىندا قولما-قول اقشاسىز ترانزاكتسيالاردىڭ سانى 13,7%-عا ءوسىپ, 1 ميلليارد وپەراتسياعا جەتىپ, ال كولەمى 21,4%-عا ۇلعايعانىن مالىمدەدى. 2025 جىلدىڭ العاشقى ەكى ايىندا قولما-قول اقشاسىز ترانزاكتسيالاردىڭ جالپى سانى 2 ميللياردقا جۋىق بولىپ, بۇل 14%-عا كوپ بولعان. ولاردىڭ سوماسى 25,9 تريلليون تەڭگەنى قۇراپ, نومينالدى تۇردە 23%, ال ينفلياتسيانى ەسكەرگەندە 12% وسكەن.
