كسرو حالىق ءارتىسى ۆلاديمير زەلدين 100-گە تولدى

استانا. كەشە, 10 اقپان كۇنى كەڭەس وداعىنىڭ بايىرعى حالىق ءارتىسى ۆلاديمير زەلدين ءوزىنىڭ عاسىرلىق جاسقا تولدى. بۇل تۋرالى «ارگۋمەنتى ي فاكتى» حابارلادى. كەشەگى كەڭەس زامانى تەاترىنىڭ اڭىزعا اينالعان تۇلعاسى بولعان ۆلاديمير زەلدين 10 اقپاندا 100-گە تولعانىن رەسەي ارمياسى ورتالىق اكادەميالىق تەاترىنىڭ ۇلكەن ساحناسىندا اتاپ ءوتتى. ول وسىندا «100 جىل, نەمەسە ۋاقىتپەن بىرگە بيلەۋ» دەگەن سپەكتاكلدىڭ پرەمەراسىندا باستى رولدە وينادى. مەرەيتوي يەسىنە ارنالعان قويىلىمدى رەجيسسەر يۋلي گۋسمان قويدى. كەڭەس جانە ورىس تەاترى مەن كينوسىنىڭ اكتەرى, كسرو حالىق ءارتىسى ۆلاديمير ميحايلوۆيچ زەلدين 1915 جىلعى 10 اقپان (ەسكى ستيلمەن – 28 قاڭتار) كۇنى تامبوۆ وبلىسىنداعى كوزلوۆ (قازىر ميچۋرينسك) قالاسىندا تۋعان. ونىڭ اكەسى ميحايل ەۆگەنەۆيچ زەلدين مۋزىكانت, ديريجەر, اسكەري كاپەلمەيستەر بولعان. ول تۆەردەگى مۋزىكالىق مەكتەپتىڭ نەگىزىن قالاپ, ونى ءوزى باسقارعان. اناسى اننا نيكولاەۆا پوپوۆا مۇعالىم بولىپ قىزمەت ەتكەن. مۇرات ايتقوجا.