PISA (Programme for International Student Assessment) – 15 جاستاعى بالالاردىڭ ومىردەگى ناقتى ماسەلەلەردى شەشۋ ءۇشىن وقۋ, ماتەماتيكا جانە جاراتىلىستانۋ عىلىمدارى بويىنشا بىلىمدەرى مەن داعدىلارىن قولدانۋ قابىلەتتەرىن انىقتاۋ ماقساتىندا وتكىزىلەتىن ءبىلىمالۋشىلاردىڭ ءبىلىم جەتىستىكتەرىن باعالاۋ جونىندەگى حالىقارالىق باعدارلاما. ونى ءتورتجىلدا ءبىر رەت ەكونوميكالىق ىنتىماقتاستىق جانە دامۋ ۇيىمى وتكىزەدى.
زەرتتەۋ كومپيۋتەرلىك تەستىلەۋ تۇرىندە جۇرگىزىلەدى. PISA-2025-ءتىڭ نەگىزگى باعىتى – عىلىمي ساۋاتتىلىق, سونىمەن قاتار يننوۆاتسيالىق باعىت. 2025 جىلى مۇنداي باعىت «تسيفرلىق الەمدە وقىتۋ» (Learningin the digital World) بولادى.
ەستەرىڭىزگە سالا كەتەيىك, PISA-2022 ناتيجەلەرىنە سۇيەنسەك, قازاقستان ماتەماتيكا جانە جاراتىلىستانۋ پاندەرىنەن توپ-50 ەلدىڭ قاتارىنا ەندى. سونداي-اق, قازاقستاننىڭ قالالىق جانە سەلولىق جەردەگى وقۋشىلارى اراسىنداعى ءبىلىم ساپاسى الشاقتىعىنىڭ تومەندەۋى بايقالدى.
