تابيعاتتى تازارتۋ, ەكولوگيالىق احۋالدى جاقسارتۋ ماقساتىنداعى يگى باستاماعا وبلىستىڭ كاسىپكەرلىك جانە يندۋستريالىق-يننوۆاتسيالىق دامۋ, تۇرعىن ءۇي-كوممۋنالدىق شارۋاشىلىق جانە اباتتاندىرۋ باسقارمالارىنىڭ قىزمەتكەرلەرى مەن ءوڭىر كاسىپكەرلەرى جۇمىلا اتسالىستى. سونىڭ ارقاسىندا «تازا قازاقستان» ەكولوگيالىق اكتسياسى اياسىندا وبلىستىڭ بىرقاتار كاسىپورىننىڭ اۋماعىندا اۋىز تولتىرىپ ايتارلىقتاي جۇمىستار اتقارىلدى. اتاپ ايتقاندا, قالا اۋماعىندا 1205 ءتۇپ اعاش وتىرعىزىلىپ, 50 توننا قوقىس شىعارىلدى. الاتاۋ قالاسىندا ورنالاسقان «پەپسيكو» جشس 870 ءتۇپ اعاش, قوناەۆ قالاسىنداعى «يۋنيپاك-شىمكەنت» جشس 30 ءتۇپ اعاش وتىرعىزدى. ءىس-شاراعا «اتامەكەن» وڭىرلىك كاسىپكەرلىك پالاتاسى دا ۇلەس قوستى.
«قالا اۋماعىنا اعاش وتىرعىزۋ – بولاشاق ۇرپاققا جاسىل ءارى تازا ورتا قالىپتاستىرۋدىڭ ۇلگىسى. بۇل شارا جەرگىلىكتى تۇرعىنداردىڭ ەكولوگيالىق سانا-سەزىمىن كوتەرۋمەن قاتار, جاسىل جەلەكپەن كومكەرىلگەن قالاعا دەگەن سۇيىسپەنشىلىكتى ارتتىرا تۇسەدى», دەيدى تابيعات جاناشىرلارى.
الماتى وبلىسى
