ءىس-شاراعا ءدىن زەرتتەۋ ورتالىعىنىڭ, مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ريتوريكا مامانى امانبەك تولقىن جانە پسيحولوگيا مامانى شاكيموۆا لولا سەرگەەۆنا سەمينار وقىدى.
امانبەك تولقىن «ەففەكتيۆنايا كوممۋنيكاتسيا. كونفليكتولوگيا» تاقىرىبى اياسىندا قاتىسۋشىلارعا ءتيىمدى قارىم-قاتىناس ورناتۋ جانە كونفليكتتەرمەن جۇمىس ىستەۋ ءۇشىن پايدالى قۇرالداردى ۇسىندى. سونداي-اق, ءدارىس تاقىرىبىنا سايكەس پراكتيكالىق جاعدايلار مەن ومىرلىك مىسالدار ارقىلى ناتيجەگە قانداي فاكتورلاردىڭ اسەر ەتەتىنىن كورسەتۋگە كومەكتەستى.
لولا شاكيموۆا «دەسترۋكتيۆتى ءدىني اعىمعا ىلەسكەن جاندارعا پسيحوكوررەكتسيالىق قىزمەتتى جۇزەگە اسىرۋ» جانە «دەسترۋكتيۆتى ءدىني اعىم كوشباسشىلارى قولداناتىن ارباۋ ادىستەرى» تاقىرىپتارىمەن قاتىسۋشىلارعا ءداستۇرلى ەمەس ءدىني اعىمداردى ۇستانۋشىلارمەن وڭالتۋ جۇمىسىن قالاي جۇرگىزۋ كەرەكتىگىن, ولاردىڭ سىني ويلاۋىن, ەموتسيونالدىق تۇراقتىلىعىن جانە الەۋمەتتىك بايلانىستارىن قالپىنا كەلتىرۋ پراكتيكاسىن جۇرگىزدى. سونىمەن قاتار, وسى تاقىرىپتار اياسىندا تەرىس اعىمنان شىعۋ كەزەڭدەرى قاراستىرىلىپ, دياگنوستيكا جۇرگىزۋ تاسىلدەرى ءتۇسىندىرىلدى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
