وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان دەرەككە سەنسەك, الەۋمەتتىك جەلىلەردى باقىلاۋ كەزىندە پوليتسەيلەر قالانىڭ ورتالىق كوشەلەرىنىڭ بىرىندە قاۋىپتى مانەۆرلەر جاساپ, وزىنە عانا ەمەس, اينالاسىنداعىلارعا دا قاۋىپ توندىرەتىن بەينەتۇسىرىلىمدى انىقتاعان. بەلگىلى بولعانداي, جاس جىگىت باسقالاردىڭ قاۋىپسىزدىگىن ەلەمەي, ءوز پاراقشاسىنا «كونتەنت» تۇسىرگەن.
پوليتسيا قىزمەتكەرلەرى ەدەل-جەدەل ىسكە كىرىسىپ, جۇرگىزۋشىنىڭ كىم ەكەنىن انىقتاپ, ونى جاۋاپقا تارتتى. قۇقىق بۇزۋشىعا قاتىستى قارسى جولاققا شىققانى, جول جامىلعىسىن زاقىمداعانى جانە مانەۆر جاساۋ ەرەجەلەرىن بۇزعانى ءۇشىن اكىمشىلىك حاتتامالار تولتىرىلعان.سونىمەن قاتار, بلوگەر 6 ايعا كولىك قۇرالىن باسقارۋ قۇقىعىنان ايىرىلدى. اۆتوكولىك ايىپ تۇراعىنا قويىلدى.
