كەزدەسۋ بارىسىندا رومان سكليار قازاقستان–قىتاي ماڭگى ءارى جان-جاقتى ستراتەگيالىق سەرىكتەستىگىن نىعايتۋعا جانە ساۋدا-ەكونوميكالىق, ينۆەستيتسيالىق, مادەني-گۋمانيتارلىق ءوزارا ىقپالداستىقتى ودان ءارى دامىتۋعا كۇش سالۋعا دايىن ەكەنىن ءبىلدىردى.
دين سيۋەسيان ەكى ەل اراسىنداعى ساۋدا-ەكونوميكالىق بايلانىستاردى تەرەڭدەتۋدىڭ جانە مەملەكەتتەر باسشىلارى اراسىندا قول جەتكىزىلگەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.
تاراپتار قر–قحر ىنتىماقتاستىق كوميتەتى وتىرىسىنىڭ قورىتىندىلارىنا وڭ باعا بەرىپ, وڭىرارالىق ىنتىماقتاستىقتى دامىتۋ ماسەلەلەرىن تالقىلادى. ەكى ەل ۇكىمەتتەرىنىڭ باسشىلىعى دەڭگەيىندەگى تۇراقتى كەزدەسۋلەردىڭ ماڭىزدىلىعىن اتاپ ءوتىپ, بارلىق وزەكتى ەكىجاقتى ماسەلەلەر بويىنشا تىعىز جۇمىس بايلانىستارىن ساقتاۋعا كەلىستى.
رومان سكليار قىتايلىق ارىپتەسىن قازاقستانعا ساپارمەن كەلۋگە شاقىردى.
قر پرەمەر-ءمينيسترىنىڭ ءبىرىنشى ورىنباسارى رومان سكليار «وزگەرمەلى الەمدەگى ازيا: ورتاق بولاشاق جولىندا» تاقىرىبىندا وتكەن بواو ازيالىق فورۋمىنىڭ 24-ءشى سەسسياسىنىڭ اشىلۋ سالتاناتىنا قاتىستى.
فورۋمعا 60-تان استام ەلدەن كەلگەن دەلەگاتسيالاردىڭ باسشىلارى جانە 2 مىڭنان استام ۇكىمەتتىك ۇيىمداردىڭ جەتەكشىلەرى, ءىرى كومپانيالاردىڭ, عىلىمي توپتاردىڭ وكىلدەرى جانە ساراپشىلار قاتىستى.
رومان سكليار باف شەڭبەرىندە «جاھاندىق جەتكىزۋ تىزبەگىنىڭ تۇراقتىلىعىن ساقتاۋ: بايلانىستىڭ ءرولى» تاقىرىبىندا وتكەن پانەلدىك سەسسياسىندا نەگىزگى سپيكەر رەتىندە ءسوز سويلەدى. ءوز سوزىندە ول ازيا ەلدەرى اراسىنداعى ساۋدا-ەكونوميكالىق جانە كولىك-لوگيستيكالىق ىنتىماقتاستىقتى نىعايتۋدىڭ ماڭىزدىلىعىنا, ساۋدا كەدەرگىلەرىن ازايتۋ جانە جاڭا كولىك باعدارلارىن قالىپتاستىرۋ بويىنشا بىرلەسكەن جۇمىسقا, سونداي-اق ءوزارا جەتكىزۋ تىزبەكتەرىن جەتىلدىرۋ ءۇشىن تسيفرلىق تەحنولوگيالار مەن جاساندى ينتەللەكتىنى قولدانۋعا قاتىسۋشىلاردىڭ نازارىن اۋداردى. قازاقستان دەلەگاتسياسىنىڭ باسشىسى ازيا قۇرلىعى ەلدەرىنە جاڭا مۇمكىندىكتەر «تەرەزەسىن» اشا وتىرىپ, تىعىز بايلانىس ورناتۋعا شاقىردى.
