فوتو: اقوردا
پرەزيدەنت الماتىدا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى ايماقتىق ورتالىق قۇرۋ تۋرالى بۇۇ باس اسسامبلەياسى ءبىراۋىزدان قابىلداعان قاراردىڭ ماڭىزىن اتاپ ءوتتى. سونداي-اق ايماقتىق ورتالىقتىڭ ينستيتۋتتىق نەگىزىن جاساقتاۋ بويىنشا اتقارىلاتىن جۇمىستار تالقىلاندى.
قاسىم-جومارت توقاەۆ بيىل قۇرىلعانىنا 80 جىل تولعان بۇۇ-نىڭ ءالى دە امبەباپ ءارى بالاماسى جوق ۇيىم سانالاتىنىن جەتكىزدى. سونىمەن قاتار مەملەكەتتەردىڭ بارلىعى قۇرىلىم جارعىسى مەن الەم ەلدەرى مويىنداعان حالىقارالىق قۇقىق قاعيداتتارىن ساقتاۋعا ءتيىس دەپ سانايدى.
باس حاتشى انتونيۋ گۋتەرريش قازاقستاننىڭ بىتىمگەرشىلىك كۇش-جىگەرىنە, جاھاندىق قاۋىپسىزدىكتى نىعايتۋعا جانە ورنىقتى دامۋدى ىلگەرىلەتۋگە قوسقان ۇلەسىن جوعارى باعالادى.
