سۋرەت: akshamat.kz
ەكىنشى دەڭگەيلى 21 بانكتىڭ 11-ءى شاعىن جانە ورتا بيزنەس پەن جەكە كاسىپكەرلىك سۋبەكتىلەرىنە كەپىلسىز كرەديتتەر بەرەدى. ەڭ ءتيىمدى نەسيەنى «ForteBank» ۇسىنادى. بۇل بانكتىڭ جىلدىق ءتيىمدى سىياقى مولشەرلەمەسى (جتسم) – 19,61%. ول ماركەتپلەيستەگى ساتۋشىلارعا ارنالعان. جك جانە جشس-لەر 36 ايعا دەيىنگى مەرزىممەن 20 ملن تەڭگەگە دەيىنگى سومادا نەسيە راسىمدەي الادى. ءتيىمدى ۇسىنىس بىلدىرۋشىلەر قاتارىندا «Freedom Bank» (21,8%), «ۆتب بانك قازاقستان» (27,8%) جانە «نۇربانك» (28,9%) بار.
جالپى, سەگمەنتتەگى ەڭ از جتسم 19,61% بولسا, ەڭ جوعارعىسى – 44,20%. ەندى ءار بانكتىڭ جتسم-ىن جەكە-جەكە ايتىپ وتەلىك:
«ForteBank» – 19,61%
«Freedom Bank» – 21,80%
«Freedom Bank» – 25,30%
«ForteBank» – 25,60%
«تسەنتر كرەديتبانكى» – 27,76%
«ۆتب بانك قازاقستان» – 27,80%
«نۇربانك» – 28,90%
«Bank RBK» – 29,20%
«تسەنتر كرەديتبانكى» – 30,28%
«Bereke Bank» – 31,60%
«ەۋرازيالىق بانك» – 32,00%
«Jusan Bank» – 44,20%
بانكتەر ۇسىناتىن ماكسيمالدى سوما كولەمى مەن مەرزىمى دە ءار الۋان.
بانكتەردىڭ بيزنەسكە ارنالعان نەسيە پورتفەلىنىڭ كولەمى 2023 جىلى جەلتوقساندا 13,1 ترلن تەڭگەنى قۇراپ, 2024 جىلدىڭ تامىزىنا دەيىن سونشالىقتى قاتتى اۋىتقي قويماعان. پورتفەل كولەمى 2024 جىلدىڭ قىركۇيەگىندە 14,1 ترلن تەڭگەگە جەتەدى. سودان جەلتوقسانعا دەيىن ۇزدىكسىز وسەدى: 15,3 ترلن تەڭگە. 2025 جىلدىڭ قاڭتارىنداعى جاعداي بويىنشا بيزنەسكە ارنالعان قورجىنداعى قارجى كولەمى – 14,9 ترلن تەڭگە.
