فوتو: ult.kz
ايتا كەتەيىك, بۇگىندە ەلىمىزدە شەتەل جۇمىس كۇشىن پايدالاناتىن 1 744 جۇمىس بەرۋشى بار, ولاردىڭ قاتارىندا 377,6 مىڭنان استام قازاقستاندىق ازامات ەڭبەك ەتەدى. بۇل جۇمىسشىلار جالپى قىزمەتكەرلەر سانىنىڭ 96,5%-ىن قۇرايدى.
«شەتەل جۇمىس كۇشىن (بۇدان ءارى – شجك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 569 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 2 514 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 4 711 جانە 1 010 ادام. سونداي-اق ماۋسىمدىق جۇمىستارعا 1 217 ادام, ال كورپوراتيۆتىك اۋىستىرۋ اياسىندا 3 563 ادام تارتىلدى», دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.
شەتەل جۇمىس كۇشىن ەڭ كوپ ەكونوميكالىق سالالار قۇرىلىس, اۋىل شارۋاشىلىعى, وڭدەۋ ونەركاسىبى جانە تاۋ-كەن ونەركاسىبى تارتادى. ەڭبەك ميگرانتتارى نەگىزىنەن قىتايدان (4 945 ادام), ءۇندىستاننان (1 169 ادام), تۇركيادان (1 165 ادام) جانە وزبەكستاننان (1 056 ادام) كەلەدى.
