الاتاۋداعى ناۋرىز دۋمانى

قالانىڭ اۋقىمدىلىعىن ەسكەرە وتىرىپ, مەرەكەلىك ءىس-شارالار بىردەن ەكى شاعىن اۋداندا – ىنتىماق پەن جەتىگەندە قاتار ۇيىمداستىرىلدى. مۇنداعى ماقسات – ءاربىر تۇرعىننىڭ وسى شۋاقتى مەرەكەنىڭ اتموسفەراسىن سەزىنۋى­نە مۇمكىندىك بەرۋ. ءار شاعىن اۋداندا كيىز ۇيلەر تىگىلىپ, كەلگەن قوناق­تارعا ءداستۇرلى تاعامدار تەگىن ۇسى­نىلدى.

مەرەكەلىك كوڭىل كۇيدى تانىمال ارتىستەر مەن جەرگىلىكتى شىعار­ما­شىلىق ۇجىمداردىڭ ونەر كورسەتۋلەرى تولىق­تىردى. ساحنادا 5 مۋزىكالىق انسامبل, 5 جەكە ورىنداۋشى, 3 بي توبى, سونداي-اق ءداستۇرلى قازاق كۇيلەرىن ورىنداعان 150 دومبىراشىدان قۇرالعان انسامبل ونەر كورسەتتى. قوناقتار حالىق مۋزىكاسى مەن بيلەردى تاماشالاپ, جاستار ءۇشىن ارنايى ۇيىم­داستىرىلعان 7 سپورتتىق جارىس پەن 4 ءداستۇرلى قولونەر شەبەرلىك دارىسىنە قاتىستى.

مەرەكەنىڭ ماڭىزدى بولىگى رەتىندە قازاق حالقىنىڭ باي مادەني مۇراسىن ايشىقتايتىن ءداستۇرلى راسىمدەر ۇسىنىلدى. ۇلتىمىزدىڭ ۇرپاعىنا ميراس بولعان تۇساۋكەسەر, بەسىككە سالۋ, قىز ۇزاتۋ, باسقا دا ۇلتتىق بوياۋى قانىق راسىمدەر اق باتا, ءان-كۇيمەن ورنەكتەلدى.

مەرەكەنىڭ ەڭ اسەرلى وقيعالارىنىڭ ءبىرى ءداستۇرلى قازاق ويىنى – «قوي كوتەرۋ» بولدى. بۇل سايىستا 20 كۇش يەسى شىدامدىلىق پەن توزىمدىلىكتە سىنالدى. جەڭىمپاز 45 كيلولىق قوشقاردى 3 مينۋت 18 سەكۋند بويى كوتەرىپ تۇردى.

جاڭا جىلىمەن جۇرتشىلىقتى الاتاۋ قالاسىنىڭ اكىمى اركەن ۋتەنوۆ قۇتتىقتادى. «قالامىزدا العاش رەت ۇيىمداستىرىلعان ناۋرىز مەرەكەسى  بىرلىك پەن دوستىقتىڭ سيمۆولىنا اينالدى. كوكتەمگى جاڭارۋ ءار ۇيگە بەيبىتشىلىك, باقىت جانە اماندىق اكەلسىن»,  دەگەن ىزگى لەبىزىن ءبىلدىردى.

ناۋرىز قارساڭىندا قالادا اۋقىم­دى سەنبىلىك ۇيىمداستىرىلىپ, وعان 1000-نان استام تۇرعىن بەلسەندى قا­تىس­قان بولاتىن. بىرلەسكەن كۇش-جىگەر­دىڭ ارقاسىندا جالپى اۋدانى 25 گەكتار اۋماق قوقىستان تازارتىلىپ, كور­كەي­تىلدى.

الماتى وبلىسى,

الاتاۋ قالاسى