كوگالداندىرۋ – ەكولوگيانى جاقسارتۋ

تالدىقورعاندا قاراتال وزەنىنىڭ جاعا­لاۋىنا 141 قاراعاي كوشەتى وتىر­عىزىلدى. پانفيلوۆ اۋدا­نىندا 3 مى­ڭنان اسا اعاش ەگىلدى. ەكولوگيا­لىق مادە­نيەتتى قالىپتاستى­رۋعا باعىت­تال­عان تالدىقورعانداعى كوگال­داندىرۋ شاراسىنا مەملەكەتتىك قىز­مەتشىلەر, ورمان شارۋاشىلىعىنىڭ وكىلدەرى, بەلسەندى تۇرعىندار, ۇزىن سانى 100 ادام قاتىسىپ, وزەن جاعالاۋىنىڭ وبلىستىق پەريناتالدىق ورتالىقتان تەننيس كورتىنا دەيىنگى ارالىعىنا اعاش ەكتى.

جالپى, وبلىس ورتالىعىندا جىل بويى 12 مىڭ جاپىراقتى جانە قىلقان جاپى­راقتى اعاش وتىرعىزۋ جوسپارلانعان, ونىڭ 2 مىڭعا جۋىعى كوكتەمدە, 10 مىڭى كۇز مەزگىلىندە وتىرعىزىلماق.

«ناۋرىز مەرەكەسىنىڭ باستالۋ قۇرمە­تىنە «تازا قازاقستان» ەكولوگيالىق باعدارلاماسى اياسىندا اعاش وتىرعىزۋ اكتسياسىن وتكىزدىك. بۇگىن قالادا نەگىزىنەن قاراعاي كوشەتتەرى وتىرعىزىلدى, ويتكەنى بۇل اعاش ءتۇرىنىڭ ەكولوگياعا پايداسى وتە زور. تالدىقورعاندا عانا ەمەس, وبلىستىڭ وزگە وڭىرلەرىندە دە وسىنداي شارالار اتقارىلىپ جاتىر», دەيدى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى ەلدوس مىرزابەك.

پانفيلوۆ اۋدانى قىلقان جا­پى­راقتى اعاشتىڭ 10 ءتۇرىن ەكتى. ­كو­شەتتەر مەكتەپتەر اۋلا­سىنا, سكۆەرلەرگە, كوشەلەردىڭ بويى­نا وتىرعىزىلدى. اينا­لاسىن جاس كوشەت­تەر­مەن كومكەرگەن ءبىلىم وشاق­تارىنىڭ ءبىرى – جار­كەنت­تەگى جاڭا مەكتەپ.

«مەكتەبىمىز جا­ڭا, ىشىندەگى قۇرال-جاب­دىق­تارى, كابينەتتەرىمىز – ءبارى زاماناۋي. بۇگىن مىنە, اينالاسىنا اعاش ەگىپ, كور­­كەيتىپ جاتىرمىز. ەندى بۇل اعاشتاردى سۋارىپ, كۇتىپ-باپ­تاۋعا ءبىز, وقۋشىلار, ءوزىمىز اتسالىسامىز. كوگالداندىرۋ – ەكولوگيانى جاقسارتۋدىڭ باستى بەلگىسى. سوندىقتان وسىنداي اعاش ەگۋ شارالارىنا جىل سايىن بەلسەنە قاتىساتىن بولامىز», دەيدى جاركەنتتەگى «جايلى مەكتەپتىڭ» 10-سىنىپ وقۋشىسى البينا قاليەۆا.

وبلىس اكىمى ءباسپاسوز قىزمەتىنىڭ مالىمەتىنشە, بيىل اۋدان, قالا اۋماق­تارىندا 120 مىڭ كوشەت (كوكتەمگى كەزەڭدە – 54,2 مىڭ, كۇزگى كەزەڭدە – 65,8 مىڭ) وتىر­عىزۋ كوزدەلگەن. ونىڭ ىشىندە 108 مىڭى جالپاق جاپىراقتى, 12 مىڭى قىل­قانجاپىراقتى اعاشتار. اۋدان, قالا اكىم­دىكتەرى كوكتەمگە جوسپارلاعان اعاش وتىرعىزۋ جۇمىستارى بۇگىننەن باستالىپ وتىر.

ايتا كەتەيىك, 22 ناۋرىز مەرەكەسىنە وراي, وبلىس كولەمىندە تاعى 5 مىڭعا جۋىق كوشەت وتىرعىزىلادى. ونىڭ 1,7 مىڭى قىلقانجاپىراقتى, 3,3 مىڭى جالپاق جاپىراقتى اعاش كوشەتتەرى.

جەتىسۋ وبلىسى