KMF ۇزاق جىلدار بويى ميكروقارجىلىق سەكتوردىڭ كوشباسشىسى بولدى. نەلىكتەن كومپانيا ەكىنشى دەڭگەيلى بانككە اينالۋ تۋرالى شەشىم قابىلدادى؟
— راسىمەن دە, KMF قازاقستانداعى ەڭ ءىرى ميكروقارجىلىق ۇيىم جانە نارىقتاعى پوزيتسياسى دا مىقتى. ءبىز 27 جىلدان استام ۋاقىت ىشىندە كليەنتتەردىڭ, حالىقارالىق سەرىكتەستەر مەن ينۆەستورلاردىڭ سەنىمىنە يە بولدىق.
ءبىزدىڭ سەنىمدىلىگىمىز بەن تيىمدىلىگىمىز جەتەكشى حالىقارالىق ينستيتۋتتارمەن راستالادى. ءبىز ەقدب, IFC (دۇنيەجۇزىلىك بانك), ADB, EIB جانە باسقا دا ءىرى قارجى ينستيتۋتتارىنان ينۆەستيتسيالار تارتامىز. بۇل كاسىپكەرلەر مەن اۋىل تۇرعىندارىنا قولداۋ كورسەتۋدىڭ اۋقىمىن كەڭەيتۋگە مۇمكىندىك بەرەدى.
KMF – قازاقستاننىڭ ميكروقارجى ۇيىمدارى قاۋىمداستىعى (قمۇق) مۇشەسى جانە بۇۇ-نىڭ جاھاندىق شارتىنا قاتىسۋشى, تۇراقتى دامۋدىڭ ۇزدىك الەمدىك ستاندارتتارىن ۇستانادى. ءبىزدىڭ B+ دەڭگەيىندەگى نەسيە رەيتينگىمىز قارجىلىق تۇراقتىلىعىمىز بەن سەرىكتەستەردىڭ سەنىمىن كورسەتەدى.
الايدا, ۋاقىت وتە كەلە ءبىز كليەنتتەرىمىزگە تەك شاعىن نەسيە الۋدان بولەك, باسقا دا قارجىلىق قىزمەتتەر قاجەت ەكەنىن تۇسىندىك. ولار قاراجاتتارىن قاۋىپسىز ساقتاۋدى, تولەم سەرۆيستەرىن پايدالانۋدى جانە بيزنەستى دامىتۋعا ارنالعان قوسىمشا مۇمكىندىكتەردى قالايدى. سوندىقتان قىزمەتتەر اۋقىمىن كەڭەيتىپ, ەكىنشى دەڭگەيلى بانككە اينالۋ – لوگيكالىق قادام بولدى.
بۇل شەشىم بىزگە نارىقتاعى پوزيتسيامىزدى نىعايتىپ قانا قويماي, كليەنتتەرىمىزگە ىڭعايلى, قولجەتىمدى جانە زاماناۋي قارجىلىق شەشىمدەردى ۇسىنۋعا مۇمكىندىك بەرەدى.
KMF بانككە اينالعاننان كەيىن كليەنتتەر ءۇشىن نە وزگەرەدى؟ تۇبەگەيلى وزگەرىستەر كۇتىلە مە؟
— ءبىزدىڭ كليەنتتەرىمىز KMF ءوز ميسسياسىنا ادال بولىپ قالاتىنىنا سەنىمدى بولا الادى. نىسانالى اۋديتوريامىز وزگەرمەيدى, كەرىسىنشە, قارجىلىق قىزمەتتەرىمىزدى ودان ءارى ىڭعايلى ءارى قولجەتىمدى ەتۋگە ۇمتىلامىز. ايەل-كاسىپكەرلەر, شاعىن بيزنەس يەلەرى, شالعايداعى ەلدى-مەكەن تۇرعىندارى – بۇعان دەيىن دە KMF قىزمەتىنىڭ باستى نازارىندا بولدى جانە بولاشاقتا دا باسىمدىققا يە بولادى.
ايتا كەتۋ كەرەك, بانككە ترانسفورماتسيالانۋ بىزگە كەلەسى جاڭا مۇمكىندىكتەردى اشادى:
- كليەنتتەر دەپوزيتتەر اشىپ, جيناق جيناي الادى, سونىمەن قاتار ءتيىمدى بانك ونىمدەرىنە قول جەتكىزە الادى.
- تولەم كارتالارى قولجەتىمدى بولادى, بۇل قارجىلىق ەسەپ ايىرىسۋلار مەن اۋدارىمداردى ايتارلىقتاي جەڭىلدەتەدى.
- كاسىپكەرلەرگە ارنالعان نەسيەلىك باعدارلامالار سپەكترى كەڭەيتىلىپ, ولاردى ودان دا ىڭعايلى ەتۋ جوسپاردا بار.
ەڭ باستىسى, ءبىز جاڭا قىزمەتتەردى ەنگىزىپ قانا قويماي, ولاردى قازاقستان وڭىرلەرىنىڭ تۇرعىندارى ءۇشىن دە قولجەتىمدى ەتەمىز. وسىلايشا, قارجىلىق ينكليۋزيانى دامىتۋ ميسسيامىزدى جالعاستىرامىز.
نەلىكتەن ترانسفورماتسيالانۋ مۇمكىندىگى قازىر عانا تۋىندادى؟
— بۇل شەشىمنىڭ نەگىزگى سەبەپتەرىنىڭ ءبىرى زاڭنامالىق وزگەرىستەر بولدى. ولار ميكروقارجىلىق ۇيىمدارعا ەكىنشى دەڭگەيلى بانككە اينالۋ مۇمكىندىگىن بەردى. ءبىز رەتتەۋشى ورگانمەن (قنردا) بارلىق تالاپتاردى ورىنداي وتىرىپ, كونسترۋكتيۆتى ديالوگ جۇرگىزدىك جانە ناتيجەسىندە قايتا قۇرىلۋعا رەسمي رۇقسات الدىق.
قازىرگى تاڭدا, اسىرەسە, كاسىپكەرلەر مەن شالعاي وڭىرلەردەگى تۇرعىنداردىڭ قارجىلىق قىزمەتتەرگە تەڭ قولجەتىمدىلىگى وتە ماڭىزدى. سوندىقتان KMF بۇل باعىتتا بەلسەندى جۇمىس ىستەۋدى جالعاستىرادى, كليەنتتەر مەن سەرىكتەستەردىڭ سەنىمىن اقتاي وتىرىپ, قارجىلىق قىزمەتتەردىڭ اۋقىمىن كەڭەيتەدى.
ەڭ ماڭىزدىسى, KMF ءوز قۇندىلىقتارىن وزگەرتپەيدى, كەرىسىنشە, ولاردى كەڭەيتەدى. ءبىز شاعىن جانە ورتا بيزنەستى قولداۋدى جالعاستىرامىز, تسيفرلاندىرۋعا ينۆەستيتسيا سالامىز, وڭىرلەردىڭ دامۋىنا ۇلەس قوسامىز جانە قىزمەتتەرىمىزدىڭ قولجەتىمدىلىگىن ساقتايمىز.
بۇل جاي عانا مارتەبەنىڭ وزگەرۋى ەمەس, بۇل – KMF تاريحىنداعى جاڭا كەزەڭ. ءبىز كليەنتتەرىمىز جانە سەرىكتەستەرىمىزبەن بىرگە وسى جولدى تابىستى ەتەتىنىمىزگە سەنىمدىمىز!
№ 02.21.0003.م ليتسەنزيا, قنردا 18.07.2024 ج. بەرىلگەن
