فوتو: polisia.kz
جىل باسىنان بەرى پوليتسيا 664 قارۋ, 54 گراناتا جانە 8 مىڭعا جۋىق وق-ءدارى تاركىلەگەن.
جالپى قابىلدانعان شارالاردىڭ ارقاسىندا سوڭعى ءۇش جىلدا 8 541 ءتۇرلى قارۋ, سونداي-اق 870 گراناتا مەن 118 246 وق-ءدارى تابىلعان. سونىمەن قاتار جەدەل ءىس-شارالار بارىسىندا ەلىمىزدىڭ ءارتۇرلى وڭىرىندە 2 316 قارۋ ساقتالعان 772 ورىن انىقتالعان. بۇگىنگى تاڭدا 1 263 قارۋدىڭ قاڭتار وقيعاسى كەزىندە ۇرلانعانى بەلگىلى بولدى.
«تاركىلەنگەن قالعان 7 278 قارۋدىڭ تىركەۋ نومىرلەرىن قاسكويلەر قاساقانا جويعان. وسىعان بايلانىستى ولار بويىنشا قازىرگى ۋاقىتتا ءتيىستى ساراپتامالار تاعايىندالدى. بۇل باعىتتاعى جۇمىس تۇراقتى نەگىزدە جۇرگىزىلەدى», دەدى ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.
