اتالعان كارتادا قاۋىپسىز تۇراقتاردىڭ ورنى, مالدىڭ سانى مەن كوشۋ باعىتتارى كورسەتىلگەن.
اقپاراتتىق شتابتىڭ مالىمەتىنشە, ارقالىق قالاسىنا قاراستى ەكىدىڭ, قايىڭدى, ابدىعاپار حان جانە جالعىزتال ەلدى مەكەندەرىندەگى 14 شارۋا قوجالىعىنىڭ مالى قاۋىپسىز جەرلەرگە كوشىرىلگەن. امانگەلدى اۋدانىندا 77 قوجالىققا قاراستى 43 قىستاقتان, ۇرپەك, قابىرعا جانە قۇمكەشۋ اۋىلدارى تۇرعىندارىنىڭ مالى قاۋىپسىز ايماققا شىعارىلدى. قالعان 34 قوجالىقتىڭ مالى 20 ناۋرىزعا دەيىن كوشىرىلەدى.
جەرگىلىكتى اتقارۋشى ورگاندار مەن تجد وكىلدەرى تاراپىنان مال يەلەرىنە جاعدايدى ءتۇسىندىرۋ, مال تۇراعىنا ارنالعان ۋاقىتشا ورىنداردى دايىنداۋ, جەم-ءشوپ قورىمەن قامتاماسىز ەتۋ سياقتى كەشەندى دايىندىق جۇمىستارى اتقارىلعان.
سونداي-اق, جانگەلدين اۋدانىندا دا سۋ تاسقىنى قاۋپى بار ايماقتار ءجىتى زەرتتەلگەن. قاۋىپتى ايماقتا ورنالاسقان 41 شارۋا قوجالىعى انىقتالىپ, بۇل جونىندە جەرگىلىكتى تۇرعىندارعا اقپارات بەرىلگەن. اتالعان اۋداندا بۇگىنگە دەيىن 13 قوجالىقتىڭ مالى قاۋىپسىز جەرگە كوشىرىلدى.
قوستاناي وبلىسى
