فوتو: primeminister.kz
اتاپ ايتقاندا, قۇجاتتا اقمولا جانە قاراعاندى وبلىستارىندا جالپى قۋاتى 200 مۆت بولاتىن ەكى بىردەي دەرەكتەردى وڭدەۋ ورتالىعىن سالۋ جانە پايدالانۋعا بەرۋ ءۇشىن 690 ملرد تەڭگە كولەمىندە ينۆەستيتسيا تارتۋ كوزدەلگەن.
ۇكىمەت اتىنان تسيفرلىق دامۋ مينيسترلىگى جوبانى جۇزەگە اسىرۋعا, ونىڭ مەملەكەتتىك تسيفرلىق ەكوجۇيەگە ينتەگراتسيالانۋىن قامتاماسىز ەتۋگە, سونداي-اق «بۇلتتى» تەحنولوگيالار مەن جوعارى ءونىمدى ەسەپتەۋلەردى (HPC) دامىتۋ ءۇشىن نورماتيۆتىك جاعداي قالىپتاستىرۋعا بەلسەندى تۇردە قاتىسادى. مۇنداي ورتالىقتاردى قۇرۋ قازاقستانعا Microsoft, Google جانە Amazon سياقتى حالىقارالىق تەحنولوگيا الپاۋىتتارىن, سونداي-اق ۇلكەن دەرەكتەرمەن جانە ماشينالىق وقىتۋمەن جۇمىس ىستەيتىن كومپانيالاردى تارتۋعا مۇمكىندىك بەرەدى.
جوبا جالاقى دەڭگەيى جوعارى جۇمىس ورىندارىن اشۋ جانە تەحنولوگيالىق تاۋەلسىزدىكتى قامتاماسىز ەتۋ ارقىلى تسيفرلىق ەكونوميكانى دامىتۋدىڭ قوزعاۋشى كۇشىنە اينالادى. قازاقستان IT-قىزمەتتەر ەكسپورتىن ەداۋىر ارتتىرىپ, حالىقارالىق نارىقتاردا جەرگىلىكتى IT-كومپانيالاردىڭ قاتىسۋىن كەڭەيتەدى جانە ونىڭ جاھاندىق تسيفرلىق ەكوجۇيەلەردەگى ءرولىن كۇشەيتەدى دەپ كۇتىلىپ وتىر.
وسىلايشا, ءدوو ىسكە قوسىلۋى ەلىمىزدىڭ ورتالىق ازيانىڭ تسيفرلىق حابى رەتىندەگى ورنىن نىعايتادى ءارى IT-قىزمەتتەر ەكسپورتىنىڭ وسۋىنە جاعداي جاسايدى.
قۇرىلىستىڭ ءبىرىنشى كەزەگى 2027 جىلى, ال ءدوو 2030 جىلى تولىق ىسكە قوسىلادى دەپ جوسپارلانعان.
