فوتو: egemen.kz/ ەرلان ومار
كۇدىكتى مەملەكەتتەن سۋبسيديا الۋ ماقساتىندا الماتى وبلىسىنىڭ اۋىل شارۋاشىلىعى باسقارماسىنا «ناگرادا» تۇرىندەگى تاڭقۋراي كوشەتتەرىن ساتىپ الۋ تۋرالى جالعان قۇجاتتار ۇسىنعان. ناتيجەسىندە ول 474 ميلليون تەڭگە سۋبسيديا الىپ, اقشانى زاڭسىز پايدالانۋ ءۇشىن جەكە كاسىپكەرمەن جالعان كەلىسىمگە كەلگەن.
«اتالعان جالعان كەلىسىمدەر مەن تولەم قۇجاتتارى نەگىزىندە 431 ملن تەڭگە سوماعا قولما-قول قاراجات الىندى. سونىمەن قاتار, ۇرلانعان قاراجاتتاردى زاڭدى اينالىمعا تارتۋ ماقساتىندا ول جۇبايىنىڭ اتىنان باعالى قاعازدارمەن وپەراتسيالار جۇرگىزىپ, قوسىمشا 89 ملن تەڭگە قىلمىستىق تابىس تاپقان. قىلمىستىق تابىسقا ول الماتى قالاسىنان ەكى بولمەلى پاتەر جانە «Toyota Highlander» اۆتوكولىگىن ساتىپ العان», دەلىنگەن قارجىلىق مونيتورينگ اگەنتتىگىنىڭ حابارلاماسىندا.
تەرگەۋ بارىسىندا كۇدىكتىنىڭ اتالعان م ۇلىكتەرى مەن 50 ملن تەڭگە اقشا جانە 91 ملن تەڭگە قۇنى بار باعالى قاعازدارىن پايدالانۋعا تىيىم سالىنعان.
قما ايىپتالۋشىنىڭ مەملەكەتتەن ۇرلانعان 170 ملن تەڭگەنى قوناەۆ قالاسىنداعى كازينوعا قۇرتقانىن دا انىقتاعان.
