ونىڭ شىعارمالارىنداعى قۇنارلى ءتىل, كوركەم سۋرەت, تەگەۋرىندى قۋات, ادام پسيحولوگياسى مەن پورترەتى وقىرمان جانىن ەرىكسىز باۋراپ الادى. ادەبيەت سالاسىنداعى ەرەن ەڭبەگى ناتيجەسىندە قالامگەردىڭ پروزالىق مەكتەبى قالىپتاستى.
ونىڭ «دوس حيكاياسى», «مەنىڭ اعالارىم», «بۇقتىرما سارىنى», «كۇرەڭسە», «قوڭىر كۇز ەدى» پوۆەستەر جيناعى, «بەرەزوۆايا روششا», «كەدرى ۆىسوكيە» جيناقتارى, «تۇيىق», «قارا ورمان», «اقسۋ – جەر جانناتى» روماندارى, سونداي-اق «جارىق دۇنيە», «قازاقتار» پەسالار جيناعى جارىق كورگەن.
«اقسۋ – جەر جانناتى» رومانى ءۇشىن 1992 جىلى قر مەملەكەتتىك سىيلىعىنىڭ لاۋرەاتى اتاندى.
بۇكىلوداقتىق ەكرانعا شىققان بىرنەشە تولىقمەتراجدى فيلمدەردىڭ («ۇشى-قيىرسىز جول», «سارشاتامىز», «وحران باستىعى», «قاراشا قازدار قايتقاندا») ستسەناريىن جازعان. شىعارمالارى وزبەك, قىرعىز, تاجىك, تاتار, باشقۇرت, شەشەن, ورىس, ۋكراين, سلوۆاك, بولگار تىلدەرىندە جارىق كورگەن. ەكى تومدىق تاڭدامالىلارى 1997 جىلى وقىرمان قولىنا ءتيدى.
اۋدارما سالاسىندا ل.تولستويدىڭ, ا.چەحوۆتىڭ, ي.تۋرگەنەۆتىڭ, ا.كۋپريننىڭ, ي.ءبۋنيننىڭ شىعارمالارىن قازاق تىلىنە ءتارجىمالادى. نوبەل سىيلىعىنىڭ لاۋرەاتتارى بولعان جەتى دراماتۋرگتىڭ پەسالارىن قازاقشالاعان.
