قازاقستان قارۋلى كۇشتەرى جاۋىنگەرلىك دايارلىق باعدارلاماسىن جاڭعىرتادى

پراكتيكالىق باعىت – باستى باسىمدىق

قورعانىس ءمينيسترى, اۆياتسيا گەنەرال-لەيتەنانتى داۋرەن قوسانوۆ جەكە قۇرامدى وقىتۋدا پراكتيكالىق باعىتتى كۇشەيتۋ قاجەت ەكەنىن ناقتى اتاپ ءوتتى. ءمينيستردىڭ ايتۋىنشا, جاتتىعۋ مەن وقۋ-جاتتىعۋ ءىس-شارالارى اسكەري قىزمەتشىنىڭ ناقتى جاۋىنگەرلىك جاعدايدا ارەكەت ەتۋ قابىلەتىن شىڭداۋعا باعىتتالۋى ءتيىس.

سونىمەن قاتار, بارلىق دەڭگەيدەگى كومانديرلەردىڭ جاۋىنگەرلىك دايىندىق ساپاسىنا جەكە جاۋاپكەرشىلىگىن ارتتىرۋ مىندەتى قويىلدى. بۇل – بولىمشەلەردىڭ ۇرىسقا ازىرلىك دەڭگەيىن ناقتى كورسەتكىشتەر ارقىلى باعالاپ, تالاپتى كۇشەيتۋدى كوزدەيدى.

قورعانىس ءمينيسترىنىڭ ءبىرىنشى ورىنباسارى – باس شتاب باستىعى گەنەرال-لەيتەنانت قانىش ابۋباكىروۆءتىڭ جەتەكشىلىگىمەن قولباسشىلىقتىڭ جاۋىنگەرلىك دايىندىق جۇيەسىندەگى مىندەتتەرى قارالدى.

جيىندا باسقارۋ ورگاندارى مەن اسكەري بولىمدەردى جوعارى جاۋىنگەرلىك دايىندىق دەڭگەيىنە كەلتىرۋ تاجىريبەسى, سونداي-اق دەسانتتىق-شابۋىلداۋ اسكەرلەرىن كەنەتتەن تەكسەرۋ قورىتىندىلارى تالقىلاندى. بۇل شارالار اسكەردىڭ جەدەل ارەكەت ەتۋ مۇمكىندىگىن ايقىنداپ, ءالسىز تۇستاردى دەر كەزىندە انىقتاۋعا باعىتتالعان.

جاۋىنگەرلىك دايارلىق مامانىنىڭ كاسىبي كۇنى ەنگىزىلدى

جىلدىق جوسپارلاۋ جانە جاڭا ستاندارتتار

جاۋىنگەرلىك دايىندىقتىڭ جىلدىق تسيكلى بويىنشا ءىس-شارالاردى جوسپارلاۋ مەن ۇيىمداستىرۋ ماسەلەلەرى دە كەڭىنەن ءسوز بولدى. قولباسشىلار ءوز باعىتتارى بويىنشا بايانداما جاساپ, الداعى كەزەڭگە ارنالعان مىندەتتەردى ناقتىلادى.

جيىندا:

• بىرىڭعاي وق اتۋ كۋرسىن جاڭارتۋ,

• جاۋىنگەرلىك جانە دەنە دايىندىعى پاندەرى بويىنشا نورماتيۆتەر جيناعىن قايتا قاراۋ,

• وقۋ ورتالىقتارىنىڭ كوپدەڭگەيلى جۇيەسىن قالىپتاستىرۋ,

• بارلاۋ بولىمشەلەرىنىڭ ۇيىمداستىرۋشىلىق-شتاتتىق قۇرىلىمدارىن جەتىلدىرۋ ماسەلەلەرى كوتەرىلدى.

بۇل وزگەرىستەر اسكەري دايارلىقتىڭ مازمۇنىن بىرىزدەندىرىپ, ونى ءتيىمدى ءارى ولشەنەتىن جۇيەگە كوشىرۋگە باعىتتالعان.

ارنايى جاساق جاۋىنگەرى: قازاقستان اسكەري قۇرىلىمىنىڭ دايىندىعى جوعارى دەڭگەيدە ەكەنىن دالەلدەدىك

جيىندا جەكە قۇرامنىڭ مورالدىق-پسيحولوگيالىق جاعدايى دا باستى نازاردا بولدى. تاربيە جانە يدەولوگيالىق جۇمىس دەپارتامەنتى اسكەري قىزمەتشىلەرمەن جۇمىس جۇرگىزۋدىڭ زاماناۋي تاسىلدەرىن تانىستىردى.

قاشىقتان بارلاۋ, جاۋىنگەر قاۋىپسىزدىگى: زاماناۋي اسكەري تەحنيكانى مەڭگەرۋدىڭ ماڭىزى قانداي؟