فوتو: kp.ru
جىل باسىنان وڭىرىمىزدە كەيبىر كوكونىس تۇرلەرىنىڭ باعاسى وسكەنى بايقالىپ وتىر. ۇلتتىق ستاتيستيكا بيۋروسى وبلىستىق دەپارتامەنتىنىڭ اقپارىنشا, قىرىققاباتتىڭ باعاسى 46%-عا, ال كارتوپتىڭ باعاسى 15,6%-عا كوتەرىلگەن.
دۇكەندەر مەن بازارلاردا قىرىققاباتتىڭ ءبىر كيلوگرامى 250-270 تەڭگە تۇرسا, كارتوپتىڭ ەڭ ارزانى (الەۋمەتتىك دۇكەندەردى قوسپاعاندا) 180 تەڭگەگە ساتىلىپ جاتىر.
وبلىستىق تۇراقتاندىرۋ قورى بيىل 810 توننا كارتوپ پەن 105 توننا قىرىققاباتتى ساۋدا ورىندارىنا جەتكىزگەن. وبلىستا 203 الەۋمەتتىك دۇكەن بار.
«پاۆلودار» الەۋمەتتىك-كاسىپكەرلىك كورپوراتسياسى ازىق-ت ۇلىك قاۋىپسىزدىگىن قامتاماسىز ەتۋ دەپارتامەنتىنىڭ ديرەكتورى ازامات داندىباەۆتىڭ ايتۋىنشا, تۇراقتاندىرۋ قورىندا قازىرگى كۇنى 4 200 توننا كارتوپ پەن 710 توننا قىرىققابات بار. كارتوپ الەۋمەتتىك دۇكەندەردە 120 تەڭگەدەن, قىرىققابات 157 تەڭگەدەن ساتىلىپ جاتىر. بىراق ونىڭ كولەمى شەكتەۋلى بولعاندىقتان بارلىق جەردە ارزان ءونىم قولجەتىمدى ەمەس.
