جيىنعا قۇرمەتتى قوناق رەتىندە ارميا ۋشۋروۆ شاقىرىلدى. 93 جاستاعى سپورتشىنى بارشا جۇرت قۇرمەت تۇتادى. ارداگەر – اۋدانداعى جەڭىل اتلەتيكادان ەلىمىزدىڭ 12 مارتە چەمپيونى اتانعان جالعىز سپورتشى. كەزدەسۋ بارىسىندا قارت سپورتشى ءجۇرىپ وتكەن جولىنان قىزىقتى ەستەلىكتەر ايتىپ بەردى. ال 15 جاستاعى سپورتشى راۋشان توقتارباي̆ ءوزىنىڭ جەتىستىكتەرىمەن ءبولىستى.
«ارمرەستلينگكە 2022 جىلى كەلدىم. ءبىر جىل ىشىندە الماتى وبلىسىنىڭ چەمپيونى اتاندىم, ەلىمىزدىڭ چەمپيوناتىندا 3-ورىن يەلەندىم. كەيىنگى كەزدەگى جەتىستىگىم وزبەكستاندا وتكەن الەم چەمپيوناتىندا باس جۇلدەنى يەلەنۋىم بولدى», دەيدى ءجۇزى بال-بۇل جانعان چەمپيون قىز.
سپورت مەكتەبىنىڭ ىرگەسى 1971 جىلى قالانعان. مۇندا باسكەتبول, ۆولەي̆بول, فۋتبول, ەركىن كۇرەس, دزيۋدو, قازاق كۇرەسى, ارمرەستلينگ, بوكس سەكىلدى 11 سپورت ۇي̆ىرمەسىندە 1048 بالا جاتتىعادى.
«2024 جىلى 134 سپورتشىمىز ءتۇرلى بىرىنشىلىكتە جۇلدەلى ورىندارعا يە بولدى. ونىڭ ىشىندە التىن العانداردىڭ سانى – 42. سپورت عيماراتىنىڭ ەسكى ەكەنى راس. الداعى جىلداردا ۇلكەن سپورت كەشەنى اشىلادى دەپ جوسپارلانعان. سول قۋانىشتى جاڭالىقتى اسىعا كۇتىپ ءجۇرمىز» دەي̆دى اۋداندىق بالالار مەن جاسوسپىرىمدەر مەكتەبىنىڭ ديرەكتورى سايان احمەتوۆ.
سونداي̆-اق بۇل جەردە تاعى ءبىر ەرەكشە سپورتشى جاتتىعادى. ول – راحمەتجان حامراەۆ. بالا كۇنىندە ج ۇلىنىنان جاراقات الىپ, اياقتارى قيمىلسىز قالعان ازامات سپورتقا ءبىرجولا دەن قويعان.
«پاۋەرليفتينگپەن 2012 جىلدان باستاپ اي̆نالىسامىن. سپورتقا اكەم اكەلدى. بىردەن كەلىسە كەتتىم. بوي̆ىمداعى مۇگەدەكتىككە ءمان بەرمەدىم. ەل قاتارلى جاتتىعىپ, ءتۇرلى چەمپيوناتتا (ازيا وي̆ىندارى, الەم, ەل بىرىنشىلىگى) جۇلدەلى بولدىم. پاريجدە وتكەن جازعى پاراليمپياداعا دا قاتىستىم. بىرنەشە رەت الەم رەكوردىن جاڭارتتىم. 206 كيلو شتانگانى كوتەرىپ, ءبىر بەلەستى باعىندىردىم. بۇل مەن ءۇشىن ۇلكەن جەتىستىك», دەگەن ر.حامراەۆ جاستاردى سالاماتتى ءومىر سالتىن ۇستانۋعا شاقىردى.
الماتى وبلىسى
