فوتو: Envato Elements.
ەادب باس ەكونوميسى ەۆگەني ۆينوكۋروۆ قازاقستان ەلەۋلى ەكونوميكالىق تابىستارعا جەتكەنىن اتاپ ءوتتى. 30 جىل ىشىندە جان باسىنا شاققانداعى ناقتى جالپى ىشكى ءونىم ء(جىو) ءۇش ەسەدەن استام ءوسىپ, رەسپۋبليكا دامىعان جانە دامۋشى ەكونوميكالاردان وزدى.
«ەكونوميكانىڭ ءوسۋى الەۋمەتتىك جاعدايدىڭ جاقسارۋىن قامتاماسىز ەتتى. 1995 جىلدان باستاپ ءومىر ءسۇرۋ ۇزاقتىعى 75 جاسقا دەيىن (11 جىلعا) ءوستى, جۇمىسسىزدىق دەڭگەيى شامامەن التى پايىزدىق تارماققا (4,8% -عا دەيىن) تومەندەدى, كەدەيلىكتىڭ ەڭ وتكىر تۇرلەرى جويىلدى», دەپ اتاپ ءوتتى ە.ۆينوكۋروۆ.
كۇنىنە 2,15 دوللاردان كەم تۇراتىن وتانداستارىمىزدىڭ ۇلەسى نولدىك دەڭگەيگە دەيىن قىسقاردى.
ەادب-نىڭ ينفوگرافيكاسىنا قاراعاندا, قازاقستاندا جان باسىنا شاققانداعى كورسەتكىش 2014 جىلعا دەيىن تۇراقتى ءوستى, وسىدان كەيىن كورسەتكىشتىڭ داعدارىستىق تومەندەۋى ورىن الدى. 2020 جىلدان باستاپ جالپى ۇلتتىق كىرىس (جۇك) قايتادان كوتەرىلە باستادى جانە 2024 جىلدىڭ قورىتىندىسى بويىنشا ەل 2014 جىلى بەلگىلەنگەن ەڭ جوعارى كورسەتكىشكە قول جەتكىزدى.
بولجام بويىنشا, 2025 جىلى قازاقستاندا جۇك 12 مىڭ دوللاردان اسادى, ال 2029-شى جىلعا قاراي 16 مىڭ دوللارعا جەتەدى. ينۆەستيتسيالىق جوبالاردى ىسكە اسىرۋ, وڭدەۋشى ونەركاسىپ سەكتورىنداعى ءوسۋ, ماشينا جاساۋدى دامىتۋ جانە نارىقتىق ەكونوميكانى دامىتۋ جونىندەگى رەفورمالار قازاقستانعا تابىسى جوعارى ەلدەر توبىنا وتۋگە كومەكتەسۋى مۇمكىن.
«ەلدىڭ ەكونوميكالىق دامۋداعى جەتىستىكتەرىن حالىقارالىق دەڭگەيدە مويىنداۋ قازاقستاننىڭ ينۆەستيتسيالىق تارتىمدىلىعىن ارتتىرادى. WEF باسەكەگە قابىلەتتىلىك رەيتينگىسىنىڭ ۇزدىك 30 ەلىنىڭ كوبى – بۇل كىرىس دەڭگەيى جوعارى ەكونوميكا», دەپ اتاپ ءوتتى ەكونوميست.
ساراپشىنىڭ ايتۋىنشا, ناتيجەسىندە قازاقستانعا حالىقارالىق قارجى مەكەمەلەرىنەن نەسيە تارتۋ جەڭىلدەيدى دەپ كۇتەدى. سونداي-اق, ەلىمىز جاڭا باسىمدىقتاردى بەلگىلەي الادى – قوسىلعان قۇنى جوعارى ونىمدەر ءوندىرىسىن ارتتىرىپ, ادامي كاپيتالعا سالىمداردى كوبەيتە الادى. اڭگىمە ءاربىر ازاماتتىڭ ەمەس, جالپى ەلدىڭ تابىسى تۋرالى بولىپ وتىر. بولجامداردى مىنا سىلتەمەدەن وقىڭىز.
