مۇناي-گاز ءوندىرىسىنىڭ مۇمكىندىگى مول

بۇعان دەيىن مەملەكەت باسشىسى وتاندىق ءوندىرىستى دامىتۋ, جاڭا تەحنولوگيالاردى تارتۋ جانە جۇمىس ورىندارىن قۇرۋ مىندەتىن ايتقان ەدى. بۇل زاۋىتتى ىسكە قوسۋ يمپورتقا تاۋەلدىلىكتى تومەندەتۋگە جانە جەرگى­لىكتى كاسىپورىنداردى دامىتۋعا سەرپىن بەرمەك. جاڭا كاسىپورىندا قۇبىرلار­عا ارنالعان جىلدام اجىراتىلاتىن قىسقىشتار مەن ولاردى جوندەۋگە ارنالعان كومپوزيتسيالىق ماتەريالدار وندىرىلەدى. بۇرىن بۇل جابدىق شەتەلدەن ساتىپ الىناتىن, ەندى ول وزىمىزدە شىعارىلادى.

2021 جىلدان باستاپ ەلىمىز مۇناي-گاز سالاسىنداعى وتاندىق ءوندىرىس ۇلەسىن ۇلعايتۋ بويىنشا بەلسەندى جۇمىس جۇرگىزىپ كەلەدى. بۇگىندە حالىقارالىق ينۆەستورلار جانە جابدىق وندىرۋشىلەرمەن 24 كەلىسىم جاسالىپ, 27 لوكاليزاتسيا جوباسى ازىرلەندى, ولاردىڭ ىشىندە 7 زاۋىت ىسكە قوسىلدى.

مۇنداي زاۋىت جاقىندا ورال­دا دا اشىلعان. قۇنى 1 ملرد تەڭگە بولاتىن جوبا جەلاەۆا ەلدى­ مەكەنىندەگى ونەركاسىپتىك ايماق اۋماعىندا ورنالاسقان. كومپا­نياعا 2,5 گەكتار جەر تەلىمى مەم­لەكەتتىك قولداۋ اياسىندا بەرىل­گەن. قازىر كاسىپورىن 120 ادامدى تۇراقتى جۇمىسپەن قامتىپ وتىر.

ەنەرگەتيكا مينيسترلىگىنىڭ حابار­لاۋىنشا, اقش, گەرما­نيا, يتاليا, وڭتۇستىك افريكا جانە وڭتۇستىك كورەيا ەلدەرىنىڭ كومپانيالارى ءبىزدىڭ ەلدە مۇناي-گاز سالاسىنا ارنالعان تاۋارلار وندىرەتىن كاسىپورىندارىن اشۋ­عا مۇددەلى. الەۋەتتى سەرىكتەستەر قاتارىندا گەرمانيالىق «Leser», وڭتۇستىكافريكالىق «Beruseal», امەريكالىق «John Crane» كومپانيالارى بار.

سونىمەن قاتار الداعى ءۇش جىل­دا جەلدەتۋ جۇيەسىن وندىرۋ­مەن اينالىساتىن وڭتۇستىك­كورەيا­لىق «Hi Air Korea», امەري­كالىق مۇ­ناي سەرۆيستىك كوم­پانيا «Slb» جانە «Baker Hughes», مۇناي-گاز سالا­سىنا ارنالعان بولشەك­تەر وندىرەتىن يتاليالىق «Breda Energia», ەكو­لوگيالىق جانە ونەر­­كا­سىپتىك قۇرىلعىلاردى جەت­كىزۋ­مەن اينالىساتىن امەريكا­لىق «Flowserve», سۇيىق جانە گاز جۇيە­لەرى ءۇشىن تاۋار وندىرەتىن امەريكالىق «Swagelok» كومپانيالارى ەلىمىزدە وندىرىستىك نۇكتەلەرىن اشۋى ابدەن مۇمكىن. ەگەر مامىلەلەر ءساتتى جۇزەگە اسسا 100-دەن اسا جاڭا جۇمىس ورىنى قۇرىلىپ, 17,5 ملن دوللار كو­لە­مىندە ينۆەستيتسيا تارتىلادى.

ءبىر ايتا كەتەرلىگى, جوعارىدا ايتىلعان كومپانيالار وتاندىق نارىقتا قازىردىڭ وزىندە جۇمىس ىستەيدى. «Swagelok» وكىلدىگى 2012 جىلدان باستاپ جۇمىس ىستەسە, «Flowserve», «Leser» جانە «Breda Energia» كومپانيالارىنىڭ رەس­مي وكىلى بولىپ جەرگىلىكتى «باۋم» كومپانياسى ەسەپتەلەدى. «Baker Hughes» كومپانياسىنىڭ سەرىكتەسى – «اتىراۋەنەرگورە­مونت». كومپانيا مۇناي-گاز ونەر­­كاسىبىندەگى مەحانيكالىق جەتەك­تەرگە, كومپرەسسورلارعا جانە ەنەرگيا ءوندىرۋشى جابدىقتارعا قاتىستى قىزمەتتەردى جەتكىزۋ سالاسىندا تابىستى جۇمىس ىستەيدى. «Baker Hughes»-ءتىڭ باسىم اكتسياسى امەريكالىق «General Electric» كورپوراتسياسىنا تيەسىلى.

2024 جىلى مۇناي-گاز كومپا­نيالارى جەرگىلىكتى تاۋار وندى­رۋ­شىلەرمەن جانە جەتكىزۋشىلەر­مەن جالپى سوماسى 240 ملن دول­لار بولاتىن 20 كەلىسىمشارتقا ­قول قويعان. سونىمەن بىرگە الەم­دىك وندىرۋشىلەرمەن بىرلەسىپ 5 جاڭا ءوندىرىس ىسكە قوسىلدى.

وتاندىق كومپانيالاردىڭ سەرىك­تەسىنە اينالعان ءىرى وندىرۋ­شىلەر قاتارىندا گەرمانيالىق WIKA (مانومەترلەر, ديافراگ­مالىق تىعىزداعىشتار, ەلەكترلىك كەدەرگى تەرمومەترلەرى جانە تەر­موپارالار شىعارادى), امەري­كالىق «Honeywell» («Borkit Safety»-مەن بىرگە گاز دەتەكتور­لارىن, «Orbis Group»-پەن بىرگە جارىلىسقا قارسى باسقارۋ جۇيە­سىنىڭ شكافتارىن شىعارادى) كومپانيالارى بار. يتاليالىق كومپانيالار ءوشىرۋ ارماتۋراسىن («PetrolValves») جانە جارىلىس­تان قورعالعان ەلەكتر تاراتۋ قوراپ­تارىن («Sigma Solutions») وندىرۋدە ىنتىماقتاستىق ورناتقان.