بقمۋ-دا تۇراقتى دامۋ ماقساتتارىنا نەگىزدەلگەن پىكىرسايىس ءوتتى

باتىس قازاقستان مەديتسينالىق ۋنيۆەرسيتەتى (بقمۋ) تۇراقتى دامۋ ماقساتتارى قاعيداتتارىن ءبىلىم بەرۋ ۇدەرىسىنە جانە عىلىمي زەرتتەۋلەرگە ينتەگراتسيالاۋ ستراتەگياسىن ۇستانادى. وسى قاعيداتتى جۇزەگە اسىرۋ بارىسىندا اۋرۋلاردىڭ الدىن الۋ جانە حالىقتىڭ ءومىر ءسۇرۋ ساپاسىن جاقسارتۋ سالاسىنداعى مەديتسينالىق زەرتتەۋلەردى دامىتىپ, بولاشاقتا ەلىمىزدىڭ ءتۇرلى وڭىرلەرىندە جۇمىس ىستەيتىن بىلىكتى مەديتسينالىق كادرلاردى دايارلاۋدى ماقسات ەتكەن. 

28 اقپان كۇنى اققاعاز دوسجانوۆا اتىنداعى كونفەرەنتس-حوللدا تۇراقتى دامۋ ماقساتتارى شەڭبەرىندە پىكىرتالاس شاراسى ءوتتى. 

پانەلدىك پىكىرتالاسقا مەملەكەتتىك بيلىك, بيزنەس, مەديتسينا, عىلىم, ەرىكتىلەر ۇيىمدارى مەن ستۋدەنتتەر بىرلەستىكتەرىنىڭ وكىلدەرى جينالدى.

شارانىڭ سالتاناتتى اشىلۋىندا ا.گيزاتۋللينا اتىنداعى ستۋدەنتتەر حورى اسەرلى قويىلىم ۇسىندى. بۇدان ءارى قاتىسۋشىلار مەديتسينالىق كومەك پەن حالىقتى الەۋمەتتىك قولداۋدا ماڭىزدى ءرول اتقاراتىن «مەديتسينا-ۆولونتەر» ەرىكتىلەر ۇيىمىنىڭ قىزمەتىمەن تانىستى.

شارانىڭ اشىلۋىندا اقتوبە وبلىسى اكىمىنىڭ ورىنباسارى عالىمجان الماسبەك ۇلى ەلەۋوۆ قۇتتىقتاۋ ءسوز سويلەپ, ۆولونتەرلىك قىزمەتتىڭ ماڭىزدىلىعىن اتاپ ءوتىپ, «مەديتسينالىق ەرىكتىنى» قوعامدىق قىزمەتكە قوسقان ۇلەسى ءۇشىن العىس حاتپەن ماراپاتتادى.

پىكىرسايىس الاڭىندا مىنا قاتىسۋشىلار تۇششىمدى بايانداما جاسادى: 

بقمۋ رەكتورىنىڭ م.ا. تالعار ساتىباي ۇلى ءابىلوۆ ۋنيۆەرسيتەتتىڭ ورنىقتى دامۋ ماقساتتارىنا قول جەتكىزۋدەگى ءرولىن اتاپ ءوتتى.

Universal Energy (Qazaqstan) باس ديرەكتورى ۋ سياوليان قازىرگى زامانعى ەنەرگيا كوزدەرى مەن ولاردىڭ قولجەتىمدىلىگى تۋرالى ايتىپ بەردى.

اقتوبەدەگى تسەنتركرەديت بانكىنىڭ ديرەكتورى گۇلنارا سۇلتانقىزى چەرنيازوۆا كاسىپكەرلىكتى كەدەيلىكپەن كۇرەس قۇرالى رەتىندە قارجىلاندىرۋ تەتىكتەرىن اتاپ ءوتتى.

وبلىس اكىمىنىڭ گەندەرلىك تەڭدىك ماسەلەلەرى جونىندەگى كەڭەسشىسى كۇلپارشين الپىسبايقىزى ايدارحانوۆا گەندەرلىك تەڭسىزدىكتى جويۋ ماسەلەلەرىن كوتەردى.

مەديتسينا عىلىمدارىنىڭ كانديداتى ەربولات مارات ۇلى ىزتىلەۋوۆ ايەلدەردىڭ دەنساۋلىعىن جاقسارتۋ ءۇشىن جاتىر موينى وبىرى سكرينينگىنىڭ تيىمدىلىگىن اتاپ ءوتتى.

الەۋمەتتىك كاسىپكەرلەر كوميسسياسىنىڭ باسشىسى ءاليا مۇستاقىمقىزى ومىرزاقوۆا الەۋمەتتىك ينكليۋزيۆتىلىك ماسەلەلەرىن تالقىلادى.

اقتوبە وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى مەيرامبەك جانبولات ۇلى ماحامبەتوۆ سپورت ينفراقۇرىلىمىن دامىتۋ پەرسپەكتيۆالارىن ۇسىندى.

اتىراۋ ۋنيۆەرسيتەتىنىڭ بيولوگيا جانە بالىق شارۋاشىلىعى كافەدراسىنىڭ مەڭگەرۋشىسى گۇلشات عابيتقىزى جۇماتوۆا ورال-كاسپي باسسەينىندەگى بالىق پوپۋلياتسياسىنىڭ دامۋ پروبلەمالارىن قوزعادى.

EOR Petroleum Technology Aktobe باس ديرەكتورى ۆان چجانشۋان ءۇشىنشى دەڭگەيلى مۇناي ءوندىرۋ تەحنولوگياسىنىڭ مۇمكىندىكتەرى تۋرالى ايتتى.

جالپى دارىگەرلىك پراكتيكا كافەدراسىنىڭ پروفەسسورى لاززات مانبەتجانقىزى جاماليەۆا سۋيتسيدكە دەيىنگى كوزقاراستاردى جانە ولاردىڭ پسيحيكالىق دەنساۋلىققا اسەرىن زەرتتەۋدى ۇسىندى.

قاتىسۋشىلار تۇراقتى دامۋ, تسيفرلىق تەحنولوگيالار جانە ءبىلىم بەرۋ ماسەلەلەرىنە دە ەرەكشە نازار اۋداردى:

Sun Sustainable Development Fund باسشىسى سەرىك كايروۆيچ سۋندەتوۆ جاساندى ينتەللەكت پەن سەرىكتەستىك ستراتەگيالاردى قوسا العاندا, تۇراقتى جوبالاردى قالىپتاستىرۋ قۇرالدارىن ۇسىندى.

جۇبانوۆ اتىنداعى ۋنيۆەرسيتەتتىڭ عىلىم جانە يننوۆاتسيالار دەپارتامەنتىنىڭ ديرەكتورى زاحيرا تۋرەباەۆنا نۇعاەۆا تدم ىسكە اسىرۋعا قوسقان ۇلەسى تۋرالى ايتىپ بەردى.

CITIC Water Ecology كومپانياسىنىڭ باس تەحنيكالىق باسشىسى Zhang Jinsong قازاقستاننىڭ مۇناي ونەركاسىبىنە ەكولوگيالىق تەحنولوگيالاردى ەنگىزۋدىڭ پراكتيكالىق تاجىريبەسىمەن ءبولىستى.

ورلەۋ» فيليالىنىڭ اعا وقىتۋشىسى بولات قايىروللا ۇلى بۇحارباەۆ ءبىلىم بەرۋ جانە تۇراقتى دامۋ بايلانىسىنىڭ تاقىرىبىن قوزعادى.

Mr. Sinohydro Corporation Limited جوباسىنىڭ ديرەكتورى حۋ چەنگ «جاسىل ەنەرگيانىڭ» بولاشاق ۇرپاقتىڭ دەنساۋلىعى ءۇشىن ماڭىزدىلىعىن اتاپ ءوتتى.

پىكىرسايىستىڭ قورىتىندى كەزەڭىندە اقتوبە وبلىسى پوليتسيا دەپارتامەنتىنىڭ ءبولىم باستىعى ايدار اسىلبەك ۇلى وڭعارباەۆ ادام ساۋداسىنا قارسى كۇرەس شارالارىن كۇشەيتۋ باستاماسىن كوتەردى. 

جالپى گيگيەنا كافەدراسىنىڭ باسشىسى گۇلشارا ايتقاليقىزى بەردەشەۆا بالالار مەن ەرەسەكتەر اراسىندا قۇرامىندا قانت بار سۋسىنداردى ارتىق تۇتىنۋدىڭ زيانىن ءتۇسىندىردى.