فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
16 وڭىردە جالپى ۇزىندىعى 584 شاقىرىم بولاتىن 384 بوگەت جوندەلىپ, قايتا تۇرعىزىلعان. جەرگىلىكتى اكىمدىكتەرمەن بىرلەسىپ, 6 وبلىستىڭ (اقمولا, اقتوبە, باتىس قازاقستان, پاۆلودار, سولتۇستىك قازاقستان, قوستاناي) 84 ەلدى مەكەنىندە قورعانىس بوگەتتەرى مەن گيدروتەحنيكالىق قۇرىلىستاردى سالۋ جانە جوندەۋ بويىنشا 57 جوبا ىسكە اسىرىلىپ جاتىر. اتالعان جۇمىستار 359 مىڭ ادامنىڭ قاۋىپسىزدىگىن قامتاماسىز ەتۋگە مۇمكىندىك بەرەدى.
مينيسترلىكتىڭ مالىمەتىنشە بىلتىر 14 وبلىستا 84 سۋ شارۋاشىلىعى نىسانىنا كوپ فاكتورلى زەرتتەۋ جۇرگىزىلدى. بيىل 105 گيدروقۇرىلىستى كوپ فاكتورلى زەرتتەۋدەن وتكىزۋ جوسپارلانىپ وتىر.
«ەلىمىزدىڭ بارلىق سۋ قويمالارى بەكىتىلگەن كەستەگە ساي جۇمىس ىستەپ تۇر. سۋ دەڭگەيىنە تۇراقتى مونيتورينگ جانە تاۋلىك بويى كەزەكشىلىك جۇرگىزىلەدى. بوس ورىندار دايىنداۋ ءۇشىن سۋ قويمالارىنان سۋ جىبەرۋ جۇمىسى جالعاسىپ جاتىر. بۇل سۋ تاسقىنى كەزىندە سۋدى قاۋىپسىز وتكىزۋگە مۇمكىندىك بەرەدى», دەدى ۆيتسە-مينيستر نۇرلان الدامجاروۆ.
