سۋرەت: basagro.kz
«قازاقستان عارىش ساپارى» ۇلتتىق كومپانياسى اق ماماندارى عارىشتىق سپۋتنيكتەر ارقىلى الىنعان دەرەكتەر اۋىل شارۋاشىلىعى سالاسىندا ەگىن, جايىلىمدىق جەرلەردىڭ جاي-كۇيىن مونيتورينگتەۋ, سۋ تۇتىنۋدى باعالاۋ ءۇشىن قالاي قولدانىلاتىنىن ءتۇسىندىردى. ولار جەردى قاشىقتىقتان زوندتاۋ دەرەكتەرى ارقىلى جۇرگىزىلگەن اۋىل شارۋاشىلىعى جەرلەرىنىڭ مونيتورينگىنىڭ ناتيجەسىن ۇسىندى.
پرەزەنتاتسيا قورىتىندىسى بويىنشا مينيستر ۇلتتىق كومپانيا عارىشتىق مونيتورينگ دەرەكتەرى مەن اشم قالىپتاستىرعان اقپاراتتى سالىستىرمالى باعالاۋ جۇرگىزۋدى تاپسىردى. بۇل تاپسىرما اۋىل شارۋاشىلىعى جەرلەرىنىڭ جاي-كۇيىن, پايدالانىلۋىن باعالاۋعا ارنالعان ءبىرىزدى تاسىلدەردى قالىپتاستىرۋعا, سونداي-اق ەگىستىك الاڭى, ونىمدىلىك جانە سۋ تۇتىنۋ بويىنشا ەسەپتەردەگى ايىرماشىلىقتاردى ناقتىلاۋعا باعىتتالعان.
كەزدەسۋ بارىسىندا اگروونەركاسىپ كەشەنى (اوك) ۇدەرىستەرىن اۆتوماتتاندىرۋ جانە تسيفرلاندىرۋعا باعىتتالعان تسيفرلىق پلاتفورمالار تانىستىرىلدى. ولاردىڭ ىشىندە اۋىل شارۋاشىلىعى جەرلەرىنە قاتىستى گەوكەڭىستىك دەرەكتەردى بەرۋگە ارنالعان «Agrospace» پلاتفورماسى دا بار. جالپى العاندا, سالا باسشىسى عارىشتىق مونيتورينگتى اوك سەكتورىندا قولدانۋدى ءارى قاراي كەڭەيتۋدىڭ ماڭىزدىلىعىن ايرىقشا ايتىپ ءوتتى.
