ا.حاسەنوۆتىڭ ايتۋىنشا, قمگ روۋد-شوۋدى ءساتتى اياقتاپ, گەولوگيالىق بارلاۋ جوبالارىنا ينۆەستورلار (وتاندىق جانە حالىقارالىق) تارتتى. بۇگىندە قمگ جەر قويناۋىن گەولوگيالىق زەرتتەۋ باعدارلاماسىن جالعاستىرا وتىرىپ, سەيسميكالىق بارلاۋ جۇمىستارى جۇرگىزىلەتىن ءۇش جاڭا پەرسپەكتيۆتى جوبانى دايىندادى.
بۇدان بولەك, اڭگىمەلەسۋ بارىسىندا «ADNOC»-تىڭ الەمدىك دەڭگەيدەگى كوشباسشى كومپانيا ەكەنى, مۇناي-گاز حيمياسى ونەركاسىبىندە ىنتىماقتاستىق قۇرۋدىڭ ايرىقشا مۇمكىندىگى بار ەكەنى دە ءسوز بولدى. سونىمەن قاتار ەنەرگەتيكالىق جۇيەگە كوشۋ جانە اقپاراتتىق تەحنولوگيالار سالاسىنداعى ىنتىماقتاستىق ماسەلەلەرى قارالدى.
اسحات حاسەنوۆ قمگ ءوزارا ءتيىمدى ىنتىماقتاستىقتى ودان ءارى نىعايتۋعا مۇددەلى ەكەنىن اتاپ ءوتىپ, «ADNOC» كومپانياسىن وتاندىق مۇناي-گاز جوبالارىنا ينۆەستيتسيا قۇيۋعا شاقىردى.
«قازمۇنايگاز بەن «Abu Dhabi National Oil Company» سەرىكتەستىگى جوبالاردى جۇزەگە اسىرۋدىڭ تيىمدىلىگىن ەداۋىر ارتتىرىپ قانا قويماي, قازاقستان مەن بىرىككەن اراب امىرلىكتەرى اراسىنداعى ستراتەگيالىق ىنتىماقتاستىقتى ودان ءارى نىعايتۋعا ىقپال ەتەتىنىنە سەنىمدىمىن», دەدى قمگ باسشىسى.
ايتا كەتەيىك, «ADNOC» 1971 جىلى قۇرىلعان, ابۋ-دابي ۇكىمەتىنە تولىق تيەسىلى ارتاراپتاندىرىلعان جەتەكشى ەنەرگەتيكالىق توپ. كومپانيانىڭ ينتەگراتسيالانعان كاسىپورىندار جەلىسى ەنەرگەتيكا سالاسىنىڭ قۇنى جوعارى ءونىمىنىڭ بارلىق تىزبەگىن قامتيدى. «ADNOC» الەمدەگى كومىرتەگى شىعارىندىسى از, مۇناي-گاز وندىرەتىن ەڭ ءىرى كومپانيالاردىڭ ءبىرى رەتىندە تانىمال.
