وبلىستىق پوليتسيا دەپارتامەنتىنىڭ مالىمەتىنشە, زاماناۋي تەحنولوگيالار قوعامدىق قاۋىپسىزدىكتى قامتاماسىز ەتۋدىڭ ماڭىزدى قۇرالىنا اينالىپ كەلەدى. سول جاڭاشىلدىقتاردىڭ ءبىرى – پاترۋلدىك پوليتسيا قىزمەتكەرلەرىنىڭ پيلوتسىز ۇشۋ اپپاراتتارىن – درونداردى قولدانۋى.
«پاترۋلدىك پوليتسيا باتالونىندا دروندار بەلسەندى تۇردە پايدالانىلىپ جاتىر, ال العاشقى ناتيجەلەر بۇل تەحنولوگيانىڭ جوعارى تيىمدىلىگىن كورسەتۋدە.
دروندار پوليتسياعا جول قوزعالىسىن جوعارىدان باقىلاۋعا, زاڭبۇزۋشىلىقتاردى جىلدام انىقتاۋعا جانە ەكيپاجداردىڭ جۇمىسىن ۇيلەستىرۋگە مۇمكىندىك بەرەدى. ولار جول قوزعالىسى ەرەجەلەرىن بۇزۋدى انىقتاۋدان باستاپ باسقا دا باعىتتاردا قولدانىلادى.
مىسالى قيىن جاعدايعا تاپ بولعان جۇرگىزۋشىلەرگە توتەنشە جاعدايلاردا كومەك كورسەتۋ. دروندار جولدا قالىپ قويعان كولىكتەردى, دوڭگەلەگى جارىلعان نەمەسە تەحنيكالىق اقاۋى بار ماشينالاردى بيىكتەن جىلدام انىقتاۋعا كومەكتەسەدى. بۇل دەر كەزىندە جۇرگىزۋشىلەرگە كومەكتەسۋگە مۇمكىندىك بەرەدى», - دەلىنگەن پد حابارلاماسىندا.
سونىمەن قاتار, تاس جولداردا ءجيى تۋىندايتىن ماسەلەلەردىڭ ءبىرى, قاراۋسىز جۇرگەن اۋىل شارۋاشىلىعى مالدارىنىڭ جولدارعا شىعىپ كەتۋ جاعدايلارىن انىقتاپ, الدىن الۋ.
«پوليتسيا قىزمەتكەرلەرىنىڭ ايتۋىنشا, پيلوتسىز اپپاراتتار توتەنشە جاعدايلارعا ارەكەت ەتۋ ۋاقىتىن قىسقارتىپ, پاترۋلدەۋ كەزىندەگى ادامي فاكتوردىڭ اسەرىن بارىنشا ازايتۋعا جانە جولداردا تۋىندايتىن ءتۇرلى ماسەلەلەردىڭ الدىن الۋعا مۇمكىندىك بەرەدى», - دەپ حابارلايدى وبلىستىق پد.
