بوكەي حاندىعىنىڭ قۇرىلۋى – قازاق حالقىنىڭ تاريحىندا ماڭىزى ەرەكشە وقيعا. كىشى ءجۇز ازاماتتارىنىڭ ىجداعاتىمەن قازاقتار جايىق وزەنىنىڭ وڭ جاق بەتىندەگى بەدەرىنىڭ بۇرىنعى اتامەكەنىنە قايتا قونىس اۋدارىپ, بەكىنىپ الۋىنىڭ, كەيىنىرەك ءداستۇرلى قازاق جەرىنىڭ ءبىر بولىگىن ءبىرجولا يەمدەنىپ قالۋىنىڭ ءساتى ءتۇستى. اتاقتى جاڭگىر حان ىشكى وردادا حان بيلىگىن ساقتاپ قالدى, سول ارقىلى قازاق مەملەكەتتىلىگىنىڭ 1845 جىلعا دەيىن ءومىر ءسۇرۋىن قامتاماسىز ەتتى. ونىڭ اعارتۋشىلىق جانە رەفورماتورلىق قىزمەتىنىڭ ارقاسىندا ەدىل مەن جايىق اراسىنداعى قازاقتار وزدەرىنىڭ الەۋمەتتىك-ەكونوميكالىق جانە مادەني-اعارتۋ سالالارىندا ەلەۋلى تابىستارعا قول جەتكىزە الدى.
وسى ۋاقىتتا العاشقى قازاق-ورىس مەكتەبى, ءدارىحانا جانە ەمدەۋ ورنى, وتە سيرەك كەزدەسەتىن ەكسپوناتتارى بار قارۋ-جاراق مۋزەيى اشىلعان بولاتىن.
