فوتو: اشىق دەرەككوز
جەرورتا تەڭىزىنىڭ جاعاسىندا, فرانتسيامەن شەكاراعا جاقىن ماڭدا ورنالاسقان بۇل شيپاجايعا كەلۋشىلەر سانى وسى ۋاقىتقا دەيىن وتە از بولعان. ماماندار مۇنىڭ باستى سەبەبىن قالانىڭ اتاۋىنان كوردى.
اقتاۋ ماڭىندا شۆەيتساريالىق تۋريستەر مىنگەن كولىك اۋدارىلىپ قالدى
يتاليان تىلىندە «valle» ءسوزى «القاپ» نەمەسە «جازىق» دەگەن ماعىنانى بىلدىرەدى. وسىعان بايلانىستى ينتەرنەتتە جاعاجاي دەمالىسىن ىزدەگەن پايدالانۋشىلار ۆاللەكروزياعا تاپ بولا الماي كەلگەن. سەبەبى Google جانە باسقا دا ىزدەۋ جۇيەلەرىنىڭ الگوريتمدەرى بۇل قالانى تەڭىز جاعالاۋى ەمەس, تاۋ بوكتەرىندەگى مەكەن رەتىندە قابىلداپ, سايكەس ناتيجەلەر شىعارعان.
قالا بيلىگىنىڭ تاپسىرىسىمەن جۇرگىزىلگەن ماركەتينگتىك زەرتتەۋلەر اتاۋدى وزگەرتۋ قالانىڭ تانىمالدىلىعىن ارتتىراتىنىن كورسەتتى. ناتيجەسىندە قالانىڭ رەسمي اتاۋىنا «al Mare» (تەڭىز جاعاسىنداعى) دەگەن تىركەس قوسىلدى. ەندى بۇل مەكەن رەسمي تۇردە Vallecrosia al Mare دەپ اتالادى.
كولسايداعى وقىس وقيعا: تۋريستىك ميكرواۆتوبۋس بەتكەيدەن قۇلاپ كەتتى
قالا اكىمشىلىگى اتاۋدى جاڭارتۋ ارقىلى تۋريستەر اعىنى ايتارلىقتاي وسەدى دەپ ۇمىتتەنىپ وتىر. ال جەرگىلىكتى تۇرعىندار ءۇشىن بۇل وزگەرىس بيۋروكراتيالىق قيىندىقتار تۋدىرمايدى:
- پوشتا يندەكسى بۇرىنعىشا قالادى;
- جەكە قۇجاتتار مەرزىمى بىتكەن سايىن كەزەڭ-كەزەڭىمەن جاڭارتىلادى.
