وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ەرىك مۇساباەۆتىڭ ايتۋىنشا, جامبىل وبلىسى بويىنشا 70 دارىگەر تاپشىلىعى بار.
«وبلىستاعى مەملەكەتتىك ۇيىمدارداعى دارىگەرلەر تاپشىلىعى 2024 جىلدىڭ قورىتىندىسىمەن 70 بىرلىك (22 قالا, 48 اۋىل) بولدى. كادر تاپشىلىعى ماسەلەسىن شەشۋ ماقساتىندا جەرگىلىكتى بيۋدجەتتەن جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋ ءۇشىن گرانتتار بولىنەدى.
جەرگىلىكتى بيۋدجەت ەسەبىنەن جوعارى وقۋ ورنىنان كەيىنگى ءبىلىم الىپ (رەزيدەنتۋرا), وقۋ بىتىرگەننەن كەيىن جامبىل وبلىسىنىڭ مەملەكەتتىك مەديتسينالىق ۇيىمدارىندا 5 جىل جۇمىس ىستەۋ مىندەتتەمەسىمەن 62 دارىگەر وڭىرگە جۇمىسقا كەلدى.
رەسپۋبليكالىق بيۋدجەت ەسەبىنەن جامبىل وبلىسىنا مامانداردى دايارلاۋعا مەملەكەتتىك تاپسىرىسپەن 182 دارىگەر رەزيدەنتۋرادا وقيدى. 2024 جىلدىڭ قورىتىندىسىمەن 3 893 مەديتسينا قىزمەتكەرلەرى (ونىڭ ىشىندە 977 دارىگەر, 2 916 ورتا بۋىن قىزمەتكەرلەرى) وقىتىلدى. جالپى شەتەلدە 21 دارىگەر بىلىكتىلىگىن ارتتىردى. 2024 جىلى وڭىرگە 90 جاس مامان كەلدى», دەيدى ول.
جامبىل وبلىسى
