وبلىس اكىمدىگى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى عالىم يساقوۆتىڭ ايتۋىنشا, وڭىردە ءتورت قالا جانە 367 اۋىل بار كورىنەدى. قازىرگى كەزدە وڭىردە تىرشىلىك نارىنەن تارىعىپ وتىرعان 24 ەلدى مەكەن جانە تاراز, شۋ قالالارىندا 9 تۇرعىن الابى بار.
«وسى جىلى 20 ەلدى مەكەنگە اۋىز سۋ جۇيەسىنىڭ قۇرىلىسىن جۇرگىزۋ, سونداي-اق حالىق سانى از بولۋىنا بايلانىستى مويىنقۇم, مەركى, قورداي اۋداندارىنا قاراستى 4 اۋىلعا جەرگىلىكتى بيۋدجەت ەسەبىنەن كەشەندى بلوك-مودۋل ورنالاستىرۋ جوسپارلانعان», دەيدى وبلىس اكىمدىگى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى عالىم يساقوۆ.
باسقارما باسشىسى كەلتىرگەن دەرەككە جۇگىنسەك, قازىرگى كەزدە اۋىز سۋمەن قالالىقتاردىڭ 98 پايىزى قامتىلسا, ەلدى مەكەن تۇرعىندارىنىڭ 97,8 پايىزى تازا سۋ پايدالانىپ وتىر.
جامبىل وبلىسى
