سۋرەتتى تۇسىرگەن – جانگەلدى ابدىعالىم
ەندى ەكىجاقتى كەلىسىمنىڭ ارقاسىندا وڭىردەگى تاۋار ءوندىرۋشى تاراپتىڭ تابىسى ارتىپ, ءورىسى كەڭەيمەك. ساپار بارىسىندا دەلەگاتسيا مۇناي-گاز سالاسىنا ارنالعان جابدىقتار وندىرەتىن «Sigma Corporation», «قازفيتتينگپلاست», «يمستالكون» جانە «Bemer ارماتۋرا» زاۋىتىندا بولىپ, ءوندىرىس تىنىسىمەن تانىستى. وبلىستاعى جەتەكشى كاسىپورىنداردى ارالاعان سوڭ ايماق باسشىسى ەرماعانبەت بولەكپاەۆتىڭ توراعالىعىمەن دوڭگەلەك ۇستەل ۇيىمداستىرىلدى. جيىندا مۇناي-گاز سەكتورىنداعى ەلدەگى كاسىپورىن ۇلەسىن ۇلعايتۋ جولدارى مەن ىنتىماقتاستىق مۇمكىندىگى جان-جاقتى تالقىلاندى.
باس ديرەكتور ماركو مارسيلي ەلىمىزدىڭ ونەركاسىپ سەكتورى وراسان زور الەۋەتكە يە ەكەنىن ايتا كەلىپ, جەرگىلىكتى كاسىپورىندارمەن ىنتىماقتاستىقتى كەڭەيتۋگە كۇش سالاتىندارىن جەتكىزدى.
ورتاق كەلىسىم اياسىنداعى دامۋ باعدارلاماسىن كاسىپورىن باس ديرەكتورىنىڭ ورىنباسارى مۇحتار مانكەەۆ تانىستىردى.
– بۇگىندە ءبىزدىڭ كومپانيانىڭ دەرەك بازاسىندا قاراعاندى وبلىسىنان 86 كومپانيا تىركەلگەن. 23 كومپانيامەن بىزدە 49 ملن دوللارعا جۋىق سوماعا كەلىسىمشارت جۇمىستارى جۇرگىزىلدى. ينجينيرينگتىك قىزمەتتەردى وقشاۋلاۋ, جوبالاۋ, ىزدەستىرۋ جۇمىستارى جانە تاعى باسقالار تۋرالى قىزىقتى كەيس بار. قاراعاندى وبلىسىنداعى بىرلەسكەن كاسىپورىن ءبىزدىڭ تاريحىمىزدا العاش رەت جوعارى تەحنولوگيالىق ينجينيرينگتىك جۇمىستاردى جۇرگىزۋگە ۇزاقمەرزىمدى بايلانىس الدى. ءبىز قاراعاندىلىق ارىپتەستەرگە وتە جاقسى جاعداي جاسادىق. قازىر قاراشىعاناق كەن ورنىندا جۇمىس باستالدى, – دەدى م.مانكەەۆ.
كومپانيا باسشىسى جارىقديودتى شامدار جەتكىزەتىن كومپانيا مەن جول جانە قۇرىلىس جۇمىستارىن قاداعالايتىن «قاراعاندىكازدورپروەكت» كاسىپورنىن مىسالعا كەلتىردى.
ءوڭىر باسشىسى ە.قابدۋلا ۇلى مەموراندۋم نەگىزىندە يندۋستريالدى ايماقتىڭ دا يگىلىگى ارتاتىنىن جەتكىزدى.
– قاراعاندى وبلىسى – ەلىمىزدىڭ جەتەكشى يندۋستريالىق ورتالىقتارىنىڭ ءبىرى. مۇندا وتاندىق جالپاق پروكات, تاس كومىردىڭ ۇشتەن ءبىر بولىگىنەن استامى جانە بارلىق كوكس كومىرى, تازارتىلعان كۇمىس پەن التىن, مىس, فەرروقورىتپا وندىرىلەدى. شيكىزات باعىتىنا قاراماستان, ءبىز ەكونوميكا قۇرىلىمىن وزگەرتۋ ءۇشىن جۇمىس ىستەپ جاتىرمىز. ماشينا جاساۋ, قۇرىلىس يندۋسترياسى سالالارىندا يمپورتتى الماستىراتىن ءوندىرىس اشامىز. ونەركاسىپ الاڭدارىن كەڭەيتۋ جۇمىستارىن جۇرگىزەمىز. ونەركاسىپتىك الەۋەت ەلىمىزدىڭ ءىرى كومپانيالارىن, ونىڭ ىشىندە, «Karachaganak Petroleum Operating B.V.»-ءنى دە قامتاماسىز ەتۋگە قابىلەتتى, – دەدى وبلىس اكىمى ە.بولەكپاەۆ.
قاراعاندى وبلىسى
