جالپى تولەم سوماسى – 90 ملن تەڭگە. بۇعان دەيىن كومپانيا ءار وتباسىعا 10 جىلدىق جالاقى مولشەرىندە وتەماقى (84 ملن – 142 ملن تەڭگە ارالىعىندا) جانە جەرلەۋ راسىمىنە 550 اەك (2,2 ملن تەڭگە) كولەمىندە جاردەماقى بەرگەن.
"KM Life" ساقتاندىرۋ كومپانياسى جەرلەۋ راسىمىنە 100 اەك (460 مىڭ تەڭگە) تولەدى. سونداي-اق مارقۇمداردىڭ بالالارى 23 جاسقا تولعانعا دەيىن اي سايىن 524 مىڭ – 921 مىڭ تەڭگە ارالىعىندا اسىراۋشىسىنان ايىرىلۋ بويىنشا ساقتاندىرۋ تولەمىن الادى. بۇل تولەمدەر جىل سايىن ينفلياتسياعا بايلانىستى يندەكستەلەدى.
قازىرگى ۋاقىتتا تۋىستارىن جۇمىسقا ورنالاستىرۋ جانە جوعارعى وقۋ ورىندارىندا وقيتىن ستۋدەنتتەردىڭ وقۋ اقىسىن تولەۋ ماسەلەسى قاراستىرىلىپ جاتىر.
بۇگىن "جومارت" كەنىشىندەگى اپاتتى تەرگەۋدىڭ الدىن الا قورىتىندىلارى قارالدى. سونىمەن قاتار, ۇلىتاۋ وبلىسىنىڭ اكىمى داستان رىسپەكوۆ پرەزيدەنت قاسىم-جومارت توقاەۆقا شاحتەرلەردىڭ وتباسىلارىنا كورسەتىلىپ جاتقان كومەك تۋرالى باياندادى.
