جوبانىڭ قۇنى – 8,5 ملرد تەڭگە. يگى ءىس «قازاقمىس كورپوراتسياسى» جشس مەن ۇلىتاۋ وبلىسى اكىمدىگىنىڭ مەموراندۋمى اياسىندا, Bank RBK قولداۋىمەن جۇزەگە استى. ءۇش قاباتتى عيماراتتىڭ جالپى اۋدانى 7 816 شارشى مەتردى قۇرايدى. سپورت كەشەنىندە 1200 شارشى مەتر سپورت زالى بار. اۋدانى 350 شارشى مەتر كوركەم, سپورتتىق گيمناستيكا زالىندا ءتۇرلى سناريادتار ورناتىلىپ, توسەنىشتەر توسەلگەن. ۇزىندىعى 25 مەتردى قۇرايتىن باسسەين قالاداعى العاشقى ۇلكەن باسسەين. سپورت كەشەنىندە كوماندالىق سپورت تۇرلەرىنە ارنالعان ەلەكتروندى تابلو, باسكەتبول الاڭى, 320 كورەرمەنگە ارنالعان تريبۋنا بار. ەكىنشى قاباتىندا ۇستەل تەننيسى, بوكس, باسقا دا سپورت تۇرلەرىمەن شۇعىلدانۋعا ارنالعان قۇرىلعىلار ورناتىلعان.
«قازاقمىس» كورپوراتسياسى» جشس باسقارما توراعاسى نۇراحمەت نۇريەۆتىڭ ايتۋىنشا, كومپانيا جىل باسىنان بەرى ۇلىتاۋ وبلىسىندا ءۇش نىساندى قولدانىسقا بەرىپ ۇلگەردى. ساتباەۆ قالاسىندا «اقبوتا» بالاباقشاسى كۇردەلى جوندەۋدەن ءوتىپ, بالعىندارعا ەسىگىن ايقارا اشتى. جەزقازعان قالاسىندا ەلىمىزدەگى ەڭ ءىرى شاحمات اكادەمياسى اشىلدى. ەندى مىنە, «جىگەر» دەنە شىنىقتىرۋ-ساۋىقتىرۋ كەشەنى پايدالانۋعا بەرىلىپ وتىر. جىل سوڭىنا دەيىن تاعى 5–6 نىساندى اياقتاۋ جوسپاردا بار.
ۇلىتاۋ وبلىسى
