فوتو: ءماجىلىستىڭ ءباسپاسوز قىزمەتى
3- ناۋرىزدا باستالعان بۇل ءىس-شارا 6- ناۋرىزعا دەيىن جالعاسادى.
كونفەرەنتسيا اياسىندا دەپۋتات حالىقارالىق تەلەكوممۋنيكاتسيا وداعىنىڭ (ITU) وكىلدەرىمەن كەزدەسىپ, راديوجيىلىك سپەكترىن تاراتۋ, 5G جانە سپۋتنيكتىك تەحنولوگيالاردى ەنگىزۋ ماسەلەلەرىن تالقىلادى. سونداي-اق, راديوجيىلىكتەردى رەتتەۋدىڭ وزىق الەمدىك تاجىريبەسى مەن تسيفرلىق ترانسفورماتسيا تاقىرىبىنا ارنالعان پانەلدىك سەسسيالارعا قاتىستى.
ءىسساپار بارىسىندا ەربولات ساۋرىقوۆ الەمدەگى جەتەكشى تەحنولوگيالىق كومپانيالار – Huawei, Siemens, Nokia جانە Ericsson باسشىلارىمەن كەلىسسوزدەر جۇرگىزىپ, ءموبيلدى جەلىلەر, كيبەرقاۋىپسىزدىك جانە تسيفرلىق ينفراقۇرىلىمداردىڭ تۇراقتىلىعى سالاسىنداعى سوڭعى ازىرلەمەلەرمەن تانىستى. كەزدەسۋلەردە كيبەرقاۋىپسىزدىك, پايدالانۋشىلاردىڭ دەرەكتەرىن قورعاۋ جانە تەلەكوممۋنيكاتسيا سالاسىندا يننوۆاتسيالىق شەشىمدەردى دامىتۋ ماسەلەلەرىنە ەرەكشە نازار اۋدارىلدى.
سونىمەن قاتار دەپۋتات تمد جانە ەۋروپا ەلدەرىنىڭ رەتتەۋشى ورگاندارىنىڭ باسشىلارىمەن كەزدەسىپ, تسيفرلىق تەحنولوگيالاردى رەتتەۋ, راديوجيىلىكتەردى ءبولۋ جانە جەلىلىك ينفراقۇرىلىمدارعا جاساندى ينتەللەكتتى ەنگىزۋ تاجىريبەسى بويىنشا پىكىر الماستى.
كورمەدە قازاقستاننىڭ دا قاتىسۋى ەرەكشە اتاپ ءوتىلدى. «قازاقتەلەكوم» اق جانە Kazdreem جەكەمەنشىك تەحنولوگيالىق كومپانياسى وزدەرىنىڭ وزىق جەتىستىكتەرىن تانىستىرىپ, حالىقارالىق ارىپتەستەرمەن ىنتىماقتاستىق ورناتۋ بويىنشا كەلىسسوزدەر جۇرگىزدى.
«قازاقستان تەلەكوممۋنيكاتسيا سالاسىندا ۇزدىك الەمدىك تاجىريبەلەردى ەنگىزۋگە ۇمتىلادى. MWC 2025 كورمەسىنە قاتىسۋ – جاڭا تەحنولوگيالاردى زەردەلەۋ, جيىلىك سپەكترىن رەتتەۋ جانە حالىقارالىق ىنتىماقتاستىقتى نىعايتۋ ءۇشىن ماڭىزدى قادام», دەدى ەربولات ساۋرىقوۆ.
كونفەرەنتسيا قورىتىندىسى بويىنشا دەپۋتات قازاقستاندا ءموبيلدى سالانى دامىتۋ, راديوجيىلىك سپەكترىن ءبولۋ جانە كيبەرقاۋىپسىزدىك بويىنشا ۇسىنىمدار دايىنداۋدى جوسپارلاپ وتىر.
