ولار بۇل قاراجاتتى تۇرعىن ءۇي جاعدايلارىن جاقسارتۋ جانە (نەمەسە) ءبىلىم بەرۋ اقىسىن تولەۋ ءۇشىن پايدالانا الادى.
قورعا باعدارلاماعا قاتىسۋشىلاردىڭ زاڭدى وكىلدەرىنەن ەلەكتروندىق ۇكىمەتتىڭ ينتەرنەت-رەسۋرستارىندا (EGOV Mobile سايتى مەن ۇيالى قوسىمشاسىندا) 2006-2007 جىلدارى تۋعان بالالارىنا ەسەپتەلگەن نج تۋرالى اقپاراتتىڭ بولماۋى ماسەلەسىنە قاتىستى وتىنىشتەردىڭ ءجيى تۇسۋىنە وراي, بجزق كامەلەتكە تولعان نەمەسە 18 جاسقا 2025 جىلى تولاتىن ازاماتتار وزدەرىنىڭ نج تۋرالى اقپاراتتى قوردىڭ نەمەسە ەلەكتروندىق ۇكىمەتتىڭ ينتەرنەت-رەسۋرسىنداعى جەكە كابينەتى ارقىلى ءوز بەتىنشە الۋى ءتيىس ەكەنىن ەسكەرتەدى. وسىلايشا, بجزق قازاقستاندىق زاڭناماعا سايكەس نىسانالى جيناقتاردىڭ قالدىقتارى مەن قوزعالىسى تۋرالى مالىمەتتەردى قوسا العاندا, نج الۋشىلارعا قاتىستى اقپاراتتىڭ قۇپيالىلىعىنا كەپىلدىك بەرەدى.
نج تولەمى مەن ولاردى تۇرعىن ءۇي جاعدايلارىن جاقسارتۋ جانە/نەمەسە ءبىلىم الۋعا اقى تولەۋ ماقساتىندا پايدالانۋ ءتارتىبى:
- قازاقستان رەسپۋبليكاسى ۇكىمەتىنىڭ 2024 جىلعى 18 قاڭتارداعى №16 قاۋلىسىمەن بەكىتىلگەن نىسانالى تالاپتاردى, نىسانالى جيناقتاردى جانە نىسانالى جيناق تولەمدەرىن قالىپتاستىرۋ مەن ەسەپكە الۋ, سونداي-اق نىسانالى تالاپتاردى ەسەپكە جازۋ قاعيدالارىندا;
- قازاقستان رەسپۋبليكاسى ونەركاسىپ جانە قۇرىلىس ءمينيسترىنىڭ 2024 جىلعى 26 اقپانداعى №76 بۇيرىعىمەن بەكىتىلگەن قازاقستان رەسپۋبليكاسىنىڭ زاڭناماسىنا سايكەس تۇرعىن ءۇي جاعدايلارىن جاقسارتۋ ماقساتىندا بىرىڭعاي جيناقتاۋشى زەينەتاقى قورىنان نىسانالى جيناق تولەمدەرىن پايدالانۋ قاعيدالارىندا;
- قازاقستان رەسپۋبليكاسى عىلىم جانە جوعارى ءبىلىم ءمينيسترىنىڭ 2024 جىلعى 7 اقپانداعى № 51 جانە قازاقستان رەسپۋبليكاسى ءبىلىم ءمينيسترىنىڭ 2024 جىلعى 12 اقپانداعى بىرلەسكەن بۇيرىعىمەن بەكىتىلگەن قازاقستان رەسپۋبليكاسىنىڭ زاڭناماسىنا سايكەس ءبىلىم بەرۋ اقىسىن تولەۋ ماقساتىندا بىرىڭعاي جيناقتاۋشى زەينەتاقى قورىنان نىسانالى جيناقتار تولەمدەرىن پايدالانۋ قاعيدالارىندا كوزدەلگەن.
نج پايدالانۋدىڭ قادامدىق الگوريتمى مىناداي سيپاتقا يە:
- 18 جاسقا تولعان نج الۋشى بجزق نەمەسە ەلەكتروندىق ۇكىمەتتىڭ ينتەرنەت-رەسۋرستارىندا, سونداي-اق بجزق بولىمشەسىنە جۇگىنۋ ارقىلى ءوزىنىڭ نج سوماسىن دەربەس تەكسەرە الادى.
- قوسىمشا مالىمەت رەتىندە, 2023 جىلى بارلىق نج الۋشىلارىنا 100,52 اقش دوللارى, 2024 جىلى – 129,38 اقش دوللارى ەسەپتەلگەنىن حابارلايمىز. 2006 جىلى تۋعان ازاماتتاردى قوسپاعاندا, 2023 جىلى ۇلتتىق قوردان العاشقى قاراجات ەسەپتەلگەن بالالارعا اعىمداعى جىلى 3,04 اقش دوللارى مولشەرىندە ينۆەستيتسيالىق كىرىس ەسەپتەلدى. ناتيجەسىندە, 2006 جىلى تۋعان بالانىڭ نىسانالى جيناعى 100,52 اقش دوللارىنا تەڭ بولسا, 2007 جىلى تۋعان بالانىڭ نجش-دا 232,94 اقش دوللارى جيناقتالدى.
- نج الۋشى (نە ونىڭ زاڭدى وكىلى) ۋاكىلەتتى وپەراتوردىڭ (ۋو) ينتەرنەت-رەسۋرسى ارقىلى ۋو-عا جۇگىنەدى, نج الۋشىنىڭ اتىنا اقش دوللارىمەن بانك شوتىن اشادى, نج تولەمىنە ونلاين-ءوتىنىش بەرەدى.
- ۋو تولەمگە ءوتىنىش قارالعاننان جانە ماقۇلدانعاننان كەيىن 2 جۇمىس كۇنى ىشىندە تولەمگە ءوتىنىشتىڭ تىركەلگەنى تۋرالى بجزق-عا ەلەكتروندىق حابارلاما جىبەرەدى.
- بجزق ۋو-دان ەلەكتروندىق حابارلامانى العان كۇننەن باستاپ 5 جۇمىس كۇنى ىشىندە ۋو-عا وتىنىشتە كورسەتىلگەن نج تولەمىنىڭ سوماسىن نج الۋشىنىڭ اتىنا اقش دوللارىندا اشىلعان بانك شوتىنا ودان ءارى ەسەپتەۋ ءۇشىن اۋدارادى نە سەبەبىن كورسەتە وتىرىپ, اۋدارۋدان باس تارتاتىنى تۋرالى حابارلايدى.
- نج الۋشى نەمەسە ونىڭ زاڭدى وكىلى نج سوماسى بانك شوتىنا تۇسكەن كۇننەن باستاپ 45 جۇمىس كۇنى ىشىندە ۋو-عا نج تولەمدەرىنىڭ نىسانالى پايدالانىلۋىن راستايتىن قۇجاتتاردى ۇسىنادى.
- ۋو نج الۋشى قۇجاتتاردى ۇسىنعان كۇننەن باستاپ 10 جۇمىس كۇنى ىشىندە ولاردى تەكسەرىپ, نج تولەمدەرىن ولاردىڭ نىسانالى ماقساتى بويىنشا اۋدارادى.
- نج الۋشى (نەمەسە ونىڭ زاڭدى وكىلى) قۇجاتتاردى 45 جۇمىس كۇنى ىشىندە ۇسىنباعان جاعدايدا, ۋو-داعى نج تولەمىنىڭ سوماسى بجزق-عا قايتارىلادى.
ەستەرىڭىزگە سالا كەتەيىك, نىسانالى جيناقتار بجزق-داعى نىسانالى جيناقتاۋ شوتىندا اقش دوللارىمەن 10 جىل بويىنا ساقتالۋى مۇمكىن. ەگەر وسى مەرزىم ىشىندە ازامات وزىنە تيەسىلى قاراجاتتى پايدالانباسا, بۇل سوما بجزق-دا الۋشىنىڭ اتىنا اۆتوماتتى تۇردە اشىلاتىن ەرىكتى زەينەتاقى جارنالارىن (ەزج) ەسەپكە الاتىن جەكە زەينەتاقى شوتىنا اۋدارىلادى. قاراجات قر ۇلتتىق بانكىنىڭ اۋدارىم كۇنىندەگى رەسمي باعامى بويىنشا تەڭگەمەن ەسەپتەلەدى. ەرىكتى زەينەتاقى جيناقتارىن پايدالانۋ شارتتارى مەن ءتارتىبى قر زەينەتاقى زاڭناماسىندا كوزدەلگەن.
باعدارلامانىڭ شارتتارىمەن, قاجەتتى نۇسقاۋلىقتارمەن kids.enpf.kz سايتىندا جانە بجزق/ەنپف YouTube-ارناسىندا تانىسىپ, ءوزىڭىزدى قىزىقتىراتىن سۇراقتارىڭىزعا جاۋاپ الا الاسىز. سونداي-اق, «ۇلتتىق قور – بالالارعا» باعدارلاماسىن ىسكە اسىرۋ, بالا كامەلەتكە تولعانعا دەيىن جانە ودان كەيىنگى ءىس-قيمىل الگوريتمى تۋرالى بەينە نۇسقاۋلىقتى بجزق/ەنپف YouTube-ارناسىنان كورۋگە بولادى.
