فوتو: قازاقستان شاحمات فەدەراتسياسى
وعان 28 ەلدىڭ 108 كومانداسى, سونىڭ ىشىندە 49 گروسسمەيستەر جانە 57 حالىقارالىق شەبەر قاتىسقان. چەمپيوناتقا قازاقستاننىڭ ءۇش قۇراماسى: ەكەۋى 50+ جاس ساناتىندا جانە ءبىر كوماندا 65+ ساناتىندا قاتىستى.
قازاقستان شاحمات فەدەراتسياسىنىڭ ءباسپاسوز قىزمەتىنىڭ مالىمدەۋىنشە 50+ جاس ساناتىنداعى قازاقستان قۇراماسى قولا مەدال جەڭىپ الدى. ۇلتتىق قۇراما ساپىندا جارىسقا گروسسمەيستەرلەر ءمىرتاس قاجىعاليەۆ, پاۆەل كوتسۋر, سەرىكباي تەمىرباەۆ, حالىقارالىق شەبەرلەر ەرلان تىكجانوۆ پەن ۆالەري مين قاتىستى. كوماندا كاپيتانى گروسسمەيستەر پيوتر كوستەنكو بولدى.
ايتا كەتسەك, 50 جاستان اسقان شاحماتشىلار اراسىندا كوماندالىق الەم چەمپيوناتى العاش رەت 2004 جىلى مەن ارالىندا وتكەن ەكەن. اتالعان تۋرنير 2014 جىلدان باستاپ تۇراقتى تۇردە وتكىزىلىپ كەلەدى.
