جامبىل وبلىسى بويىنشا ەكونوميكالىق تەرگەپ-تەكسەرۋ دەپارتامەنتى باسشىسىنىڭ ورىنباسارى رۋسلان ساتىبالديەۆتىڭ ايتۋىنشا, وتكەن جىلى جابىرلەنۋشىلەردىڭ شاعىمى نەگىزىندە قارجى پيراميدالارىن ۇيىمداستىرۋشىلارعا قاتىستى 3 قىلمىستىق ءىس تىركەلىپتى.
«سوڭعى ءۇش جىلدا قارجى پيراميدالارى ارەكەتتەرىنەن جامبىل وبلىسىندا 200-دەن استام ازامات زارداپ شەكتى. بۇل ەكونوميكالىق تەرگەۋ قىزمەتىنە ءوتىنىش بىلدىرگەن ادامداردىڭ سانى عانا ەكەنىن ايتا كەتكەن ءجون. 2023-2024 جىلدارى تەرگەپ-تەكسەرۋ بارىسىندا دەپارتامەنتپەن قابىلدانعان شارالار ناتيجەسىندە, زارداپ شەككەن ازاماتتارعا 45 ميلليون تەڭگەدەن استام كەلتىرىلگەن زالال وتەلدى. مىسالى, «Chia Tai» قارجىلىق پيراميدالىق ۇيىمىن ۇيىمداستىرۋشىعا قاتىستى قىلمىستىق ءىستى تەرگەۋ بارىسىندا ساتىپ الىنعان پاتەر تۇرىندەگى م ۇلىك پەن 10 ملن تەنگەدەن استام قاراجات تاركىلەندى», دەيدى ر. ساتىبالديەۆ.
جالپى, قارجىلىق پيراميدالاردىڭ قۇربانىنا اينالعان ازاماتتاردىڭ ناقتى سانىن ءدوپ باسىپ ايتۋ قيىن. ال, زاڭسىز جارناماعا قاتىستى وسى جىلدىڭ باسىندا 4 قىلمىستىق ءىس تىركەلگەنىنىڭ ءوزى الاڭداتپاي قويمايدى...
