فوتو: azattyq-ruhy.kz
قورعانىس مينيسترلىگى «العاشقى اسكەري جانە تەحنولوگيالىق دايىندىق» ءپانىن «وتان قورعاۋشى» دەپ وزگەرتىپ, وسى سالاداعى ءبىلىمدى جاڭا دەڭگەيگە كوتەرۋدى جوسپارلاپ وتىر.
ايتا كەتەيىك, جاڭارتىلعان كۋرس باعدارلاماسى 10–11 سىنىپ وقۋشىلارىنا ارنالعان جانە جالپى 72 ساعاتتان تۇرادى. باعدارلاماعا زاماناۋي پاندەر قوسىلادى, ولاردىڭ ىشىندە:
- «اسكەري روبوتتار جانە جاساندى ينتەللەكت»;
- «اقپاراتتىق قاۋىپسىزدىك نەگىزدەرى»;
- «قازاقستان رەسپۋبليكاسىنىڭ قارۋلى كۇشتەرى جانە اسكەري دوكتريناسى»;
- «وقۋ-دالالىق ءمودۋلى».
بۇل وزگەرىستەر پاتريوتتىق تاربيەنى كۇشەيتۋگە, سونداي-اق جاستاردىڭ اسكەري دايىندىعىن ارتتىرۋعا باعىتتالعان. قازىرگى ۋاقىتتا جوبا وقۋ-اعارتۋ مينيسترلىگىندە تالقىلانۋ ۇستىندە, ال كۋرستى ەنگىزۋ 2026–2027 وقۋ جىلىنا جوسپارلانعان.
