ديقاندار 2024 جىلى 488,5 ملرد. تەڭگەنىڭ اۋىل شارۋاشىلىعى ءونىمىن ءوندىردى. 647 مىڭ توننا ءتاتتى ءتۇبىر جينالىپ, 597 مىڭ تونناسى قانت زاۋىتتارىنا وتكىزىلدى.
اۋىل شارۋاشىلىعى باسقارماسىنىڭ باسشىسى قايرات كوشەنوۆتىڭ ايتۋىنشا, وتكەن جىلى اۋا رايىنىڭ قولايلى بولۋى, شارۋالاردىڭ اگروتەحنيكالىق شارالاردى جەتىك مەڭگەرۋى مەن مەملەكەتتىك قولداۋدىڭ تيىمدىلىگىنىڭ ارقاسىندا جالپى ءونىم كولەمى 2023 جىلمەن سالىستىرعاندا 3 ەسەگە وسكەن.
«سوڭعى 4 جىلدا 25 مىڭ گەكتار القاپتان 650 مىڭ توننا ءونىم جينالسا, بۇل ونىمگە فەرمەرلەر 1 جىلدىڭ ىشىندە قول جەتكىزىپ, رەكوردتىق ءونىم الدى», – دەيدى ول.
بيىل 660 مىڭ گەكتارعا اۋىل شارۋاشىلىعى داقىلدارىن ورنالاستىرۋ (2024 ج. - 626,7 مىڭ گەكتار) جوسپارلانۋدا. بۇل كورسەتكىش بىلتىرعى جىلمەن سالىستىرعاندا 33 مىڭ گەكتارعا كوپ. كوكتەمگى ەگىس جۇمىستارىنا قاجەتتى 55 مىڭ توننا تۇقىم, 7317 دانا اۋىل شارۋاشىلىعى تەحنيكاسى دايىن تۇر.
جامبىل وبلىسى
