الماتىعا قار كوشكىنى قاۋىپ ءتوندىرىپ تۇر

ماسەلەن, شىمبۇلاققا كۇنىنە 4 مىڭعا جۋىق ادام كەلەدى. دەمالۋشىلاردىڭ دەنى سول ماڭداعى بوگدانوۆيچ مۇزدىعىنا جاياۋ شىعادى. ءدال وسى جەردە قار كوشكىنىنىڭ ىقتيمالدىعى جوعارى. ونداعى قاردىڭ قالىڭدىعى 80 سانتيمەتردەن 1,5 مەترگە دەيىن جەتەدى. وسىعان وراي «قازسەلدەنقورعاۋ» مەكەمەسى «شىمبۇلاق» تاۋ-شاڭعى كۋرورتىندا قار كوشكىنىنىڭ الدىن الۋ شارالارىن جۇرگىزدى. وعان قۇتقارۋ قىزمەتى مەن توتەنشە جاعدايلار دەپارتامەنتىنىڭ 30-عا جۋىق قىزمەتكەرى قاتىستى. شاڭعى جولى تۇگەلدەي جابىلدى. ەڭ قاۋىپتى دەگەن جەرلەر تالعار اسۋىندا تەڭىز دەڭگەيىنەن 3200 مەتر بيىكتىكتە ورنالاسقان. ءدال سول ماڭعا جارىلعىش زاتتار قويىلىپ, قار ءتۇسىرۋ جۇمىستارى جۇرگىزىلدى.

سالا ماماندارىنىڭ ايتۋىنشا, مۇنداي 165 قاۋىپتى ايماق بار. قار كوشكىنى قاۋپى ءساۋىر ايىنىڭ سوڭىنا دەيىن ساقتالادى.

«بۇل ايماقتاردىڭ بارلىعى قاۋىپتى سانالادى. اتاپ ايتاتىن بولساق, كىشى الماتى وزەنىندەگى شىمبۇلاق, مەدەۋ شاتقالى جانە تۇيىقسۋ, ۇلكەن الماتىمەن الاتىن بولساق, كوسموستانتسيا جولدارى – بارلىعى قار كوشكىنى ورىن الۋى مۇمكىن ايماققا جاتادى. بۇگىنگى تاڭدا ءبىز سولاردىڭ الدىن الۋ ءۇشىن بارلىق قار كوشكىنى بار ايماقتاردا اقپاراتتىق ششيتتەردى ورناتتىق», دەيدى  «قازسەلدەنقورعاۋ» مم الماتى فيليالىنىڭ باسشىسى سامات داۋلەنقانوۆ.