ۇلتتىق عارىش ورتالىعىنىڭ اۋماعىندا قازاقستان تاراپى جەردى قاشىقتان زوندتاۋ جانە عارىش مونيتورينگى سالاسىنداعى وتاندىق عالىمداردىڭ ازىرلەمەلەرىن ۇسىندى. تابيعي رەسۋرستاردى باسقارۋ, اگروونەركاسىپ كەشەندەردىڭ جاي-كۇيىن باقىلاۋ, توتەنشە جاعدايلارعا دەن قويۋ جانە رۇقسات ەتىلمەگەن پوليگونداردى انىقتاۋ ماقساتىندا اتالعان تەحنولوگيالاردى قولدانۋ مۇمكىندىكتەرى كورسەتىلدى.
تسيفرلىق كەڭسەدە قىرعىز دەلەگاتسياسىنا مەملەكەتتىك قىزمەتتەردىڭ تيىمدىلىگىن ارتتىرۋعا جانە وزىق تسيفرلىق شەشىمدەردى ەنگىزۋگە باعىتتالعان باستامالار تانىستىرىلدى. ماسەلەن, «الەۋمەتتىك ءاميان» جوباسى ازاماتتاردىڭ جەكەلەگەن ساناتتارىنا پرواكتيۆتى فورماتتا اتاۋلى مەملەكەتتىك قولداۋ الۋعا مۇمكىندىك بەرەدى. حالىقتىڭ الەۋمەتتىك ءال-اۋقاتىنىڭ دەڭگەيى تۋرالى مالىمەتتەر «وتباسىنىڭ تسيفرلىق كارتاسى» اقپاراتتىق جۇيەسىندە جيناقتالادى. ساراپتاما ايماقتىق دەڭگەيدە جۇرگىزىلەدى, بۇل ءار سالا ءۇشىن ناقتى ۇسىنىستار جاساۋعا مۇمكىندىك تۋدىرادى. بۇگىنگى تاڭدا جۇيەدە 6 ملن-نان اسا وتباسى تسيفرلاندىرىلدى. ولاردىڭ ءال-اۋقاتىن تالداۋ 100-دەن اسا كورسەتكىش نەگىزىندە جۇرگىزىلدى.
مەملەكەتتىك باسقارۋدىڭ اشىقتىعىن ارتتىرۋ ءۇشىن جاساندى ينتەللەكتى پايدالانۋ بويىنشا تاجىريبە الماسىلدى. eOtinish ازاماتتار مەن بيزنەستىڭ وتىنىشتەرىن قابىلداۋ, وڭدەۋ جانە تالداۋدىڭ بىرىڭعاي پلاتفورماسى, eNotary نوتارياتتىق اقپاراتتىق جۇيەسى, سونداي-اق ازىرلەۋشىلەر مەن مەملەكەتتىك ورگاندارعا جي شەشىمدەرىن نەگىزگى سالالارعا بىرىكتىرۋگە مۇمكىندىك بەرەتىن ۇلتتىق جاساندى ينتەللەكت پلاتفورماسى تانىستىرىلدى.
ۇدەرىستەردى اۆتوماتتاندىرۋعا جانە مەملەكەتتىك اكىمشىلەندىرۋدىڭ تيىمدىلىگىن ارتتىرۋعا ىقپال ەتەتىن يننوۆاتسيالىق باستامالاردى ىسكە اسىرۋ تاجىريبەسى اتاپ ءوتىلدى. قازىرگى ۋاقىتتا eGov ەلەكتروندىق ۇكىمەتىنىڭ ءموبيلدى قوسىمشاسىن پايدالانۋشىلار سانى – 10 ملن-عا جەتتى. سەرۆيس ارقىلى ازاماتتارعا 1 مىڭعا جۋىق قىزمەت ءتۇرى قولجەتىمدى, ولار ارقىلى 72 ملن قىزمەت كورسەتىلدى.
