11 جاسار ايالا كلۋبتاعى جاتتىعۋلاردىڭ العاشقى كۇندەرىنەن باستاپ ەرەكشە قابىلەتتەرىن بايقاتتى: تاكتيكالىق سحەمالاردى جىلدام مەڭگەرىپ, دريبلينگكە سەنىمدى كىرىسىپ, ءدال پاسستار بەرۋىمەن ەرەكشەلەندى. ەندى ونىڭ تالانتى كاسىبي كلۋب تاراپىنان مويىندالىپ, ول «استانا» فۋتبول كلۋبىنىڭ بالالار مەن جاسوسپىرىمدەر كومانداسىنا قوسىلىپ, مانساپ جولىندا ماڭىزدى قادام جاسادى.
بۇل ترانسفەر ايالانىڭ عانا ەمەس, ەلىمىزدەگى ايەلدەر فۋتبولىنىڭ دامۋىن كورسەتەتىن ماڭىزدى وقيعا. 2025 جىلدىڭ 1 قاڭتارىنان باستاپ قازاقستان پرەمەر-ليگاسىنىڭ بارلىق كلۋبتارى ايەلدەر كوماندالارىن قۇرىپ, ۇلتتىق چەمپيونات «QFL ايەلدەر ليگاسىندا» ونەر كورسەتۋگە مىندەتتەلگەن.
«بۇل – ناعىز جاڭا ءداۋىردىڭ باستالۋى», دەدى نازىم جانعازينوۆا. ول سونداي-اق ايەلدەر فۋتبولىن جۇيەلى تۇردە دامىتۋ قاجەتتىگىن, ونى بالالار مەن جاسوسپىرىمدەر كوماندالارىنان باستاۋ كەرەكتىگىن اتاپ ءوتتى.
سەگىز جىل ىشىندە ARDA Football فۋتبول مەكتەبى جاس سپورتشىلاردى دايارلايتىن قۋاتتى جۇيەگە اينالدى, ونىڭ تاربيەلەنۋشىلەرىنىڭ سانى 5000-نان استام بالانى قۇرايدى. ءار جىل سايىن فۋتبولعا قىزىعاتىن قىزدار سانى ارتىپ, ولار ايتارلىقتاي جەتىستىكتەرگە جەتىپ جاتىر.
