ءىس-شاراعا قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين, مادەنيەت جانە اقپارات ۆيتسە-ءمينيسترى قانات ىسقاقوۆ, باس ءمۇفتي ناۋرىزباي قاجى تاعان ۇلى, سونداي-اق ەلىمىزدىڭ ءار وڭىرىنەن كەلگەن ءدىن قىزمەتكەرلەرى مەن ۋاعىزشىلار قاتىستى.
مەملەكەتتىك كەڭەسشى جالپىۇلتتىق قۇندىلىقتاردى دارىپتەۋ تۇرعىسىنان بۇل ءىس-شارانىڭ ماڭىزدى ەكەنىنە توقتالدى. اتاپ ايتقاندا, قازىر قوعامدا بىرلىك پەن ىنتىماق, زاڭ مەن ءتارتىپ, ادىلدىك پەن جاۋاپكەرشىلىك سياقتى قۇندىلىقتاردى ناسيحاتتاۋدىڭ ايرىقشا ءمانى بار ەكەنىنە نازار اۋداردى.
جيىنعا قاتىسۋشىلار ءدىني اعارتۋشىلىق قىزمەت, ەڭ الدىمەن, ءداستۇرلى قۇندىلىقتار مەن وتباسى ينستيتۋتىن دارىپتەۋگە, قوعامدى ۇيىستىرۋعا باعىتتالۋى كەرەك ەكەنىن اتاپ ءوتتى.
بۇل فورۋم ءدىني اعارتۋ ءىسىنىڭ وزەكتى ماسەلەلەرىن تالقىلاۋ, تاجىريبە الماسۋ جانە رۋحاني قۇندىلىقتاردى ورنىقتىرۋ ءۇشىن جاڭا تاسىلدەردى ازىرلەۋگە ارنالعان بىرەگەي الاڭ سانالادى.
