الاياقتار قالاي الدايدى؟
- جالعان ۆيدەوقوڭىراۋ مەن داۋىستىق حابارلامالار. سىزگە جاقىنىڭىز ۆيدەوقوڭىراۋ شالىپ, شۇعىل اقشا اۋدارۋدى سۇرايدى. ونىڭ ءتۇرى مەن داۋىسى تانىس بولىپ كورىنۋى مۇمكىن. بىراق شىن مانىندە بۇل – الاياقتار جاساعان ديپفەيك. قازىر وسى سحەما الەمدە كەڭ تارالعان. جاقىنىنا كومەكتەسەمىن دەپ, قاسكۇنەمدەرگە اقشا اۋدارىپ جىبەرگەن ادام كوپ.
- باسشىلاردىڭ ۆيدەوقوڭىراۋى. ۇلكەن كومپانيالار دا الاياقتاردىڭ قۇربانى بولىپ جاتىر. كوبىنەسە كاسىپورىن قىزمەتكەرلەرىنە باس ديرەكتوردىڭ نەمەسە قارجى ديرەكتورىنىڭ ديپفەيك-ۆيدەوسى جىبەرىلىپ, اقشا اۋدارۋ تالاپ ەتىلەدى.
- جالعان سۇحباتتار. ساياساتكەرلەر, كاسىپكەرلەر, تانىمال تۇلعالار ديپفەيك شابۋىلىنىڭ قۇربانىنا اينالدى. بەت-الپەتى مەن داۋىسى جاساندى ينتەللەكت كومەگىمەن وزگەرتىلىپ, ولاردىڭ اتىنان جالعان اقپارات تاراتىلادى. مۇنداي ۆيدەولار وتە شىنايى كورىنەتىندىكتەن, كوپشىلىك الدانىپ قالۋى مۇمكىن.
جالعان ەكەنىن قالاي بىلەمىز؟
- كوز بەن ميميكاعا نازار اۋدارىڭىز. ديپفەيكتەردە كوزدىڭ قوزعالىسى تابيعي ەمەس, جىپىلىقتاۋ جيىلىگى وزگەشە بولادى.
- دىبىستى مۇقيات تىڭداڭىز. داۋىس دۇرىس شىققانىمەن, ەرىن قوزعالىسى سوزبەن سايكەس كەلمەۋى مۇمكىن.
- اقپارات كوزىن تەكسەرىڭىز. ەگەر ۆيدەو كۇماندى كورىنسە, ونىڭ تۇپنۇسقاسىن ىزدەڭىز نەمەسە تىكەلەي سول ادامنان سۇراڭىز.
- ارنايى تەكسەرۋ قۇرالدارىن قولدانىڭىز. ينتەرنەتتە ديپفەيكتەردى انىقتايتىن باعدارلامالار بار.
قالاي قورعانۋعا بولادى؟
- تەلەفونمەن جاقىنىڭىز حابارلاسقاندا بىردەن اقشا اۋدارماڭىز. الدىمەن قايتا قوڭىراۋ شالىپ, سۇراق قويىڭىز.
- كەز كەلگەن ۆيدەو نەمەسە داۋىستىق حابارلامانى تەكسەرىڭىز. كۇماندانساڭىز, قوسىمشا اقپارات ىزدەڭىز.
- جەكە دەرەكتەرىڭىزدى قورعاڭىز. ينتەرنەتتە جەكە فوتولارىڭىزدى, ۆيدەولارىڭىزدى جانە داۋىستىق جازبالارىڭىزدى اشىق جاريالاماڭىز.
- قىزمەتكەرلەرىڭىزگە ەسكەرتىڭىز. ءىرى كومپانيالار قىزمەتكەرلەرىنە ديپفەيك الاياقتىعى تۋرالى ەسكەرتۋى قاجەت.
- جاڭا تەحنولوگيالاردى قولدانىڭىز. جاساندى ينتەللەكت ازىرلەۋشىلەرى ديپفەيكتى انىقتايتىن ءتۇرلى قۇرالدى ۇسىنادى.
ديپفەيك – تەك ويىن-ساۋىق ەمەس, ادامداردىڭ قالتاسىن قاعىپ, بەدەلىن تۇسىرەتىن قاۋىپ. بۇل تەحنولوگيانى الاياقتار ءجيى پايدالانادى. سوندىقتان اقپاراتتى مۇقيات تەكسەرىڭىز.
