فوتو: اشىق دەرەككوز
ۇلىتاۋ وبلىسى تۇرعىنى «Kaspi Profit» جارناماسىنان «قاراجاتتى ينۆەستيتسيا ارقىلى كوبەيتۋگە بولادى» دەگەن حابارلاماعا سەنىپ, جەكە دەرەكتەرى تۋرالى مالىمەتتەر قالدىرعان. ءارى قاراي اناليتيك مامانى رەتىندە ءوزىن تانىستىرعان الاياق, بەلگىسىز نومىردەن حابارلاسىپ, قاراجات كوبەيتۋ تۋرالى تۇسىندىرگەن. جابىرلەنۋشى الاياقتىڭ نۇسقاۋىمەن ۇيالى تەلەفونىنا قوسىمشانى جۇكتەپ, جەكە شوتىنا الاياقتىڭ نۇسقاۋىمەن 6 ملن تەڭگە نەسيە راسىمدەگەن. الاياقتار ينۆەستيتسيا ارقىلى 18 372$ قول جەتكىزگەنىنە سەندىرىپ, ونى قولما-قول اقشاعا اينالدىرىپ, «Global finance» كومپانياسى ارقىلى جەتكىزىپ بەرە الاتىندارىن, ول ءۇشىن تاعى 3 ملن قاراجات سالۋ قاجەتتىگىن ايتقان. جابىرلەنۋشى ونىڭ ايتقانىنا كەلىسىپ, اتالعان قارجىنى بەلگىسىز شوتتارعا اۋدارعان. وسىلايشا وبلىس تۇرعىنى الاياقتىڭ نۇسقاۋى ارقىلى 9 ملن. تەڭگەسىنەن ايرىلعان.
وسىنداي جاعداي جەزقازعان قالاسىنىڭ تۇرعىنىنىڭ دا باسىنان وتكەن. «Kaspi Profit» جارناماسىنا سەنگەن تۇرعىن 5 ملن تەڭگە نەسيە راسىمدەپ, الاياق كورسەتكەن شوتتارعا اۋدارىپ جىبەرگەن.
وبلىس پروكۋراتۋراسى جەكە اقپارات, تولەم كارتاسىنىڭ نومىرلەرىن, كودتار مەن قۇپيا سوزدەردى بەرمەۋ, كۇماندى تولەمدەردى جاساماۋ, تەكسەرىلمەگەن قوسىمشالاردى ورناتپاۋ كەرەكتىگىن ەسكەرتەدى.
